सीमा नाका ७२ घण्टाका लागि बन्द, निर्वाचनको सुरक्षा सुनिश्चितता

मधेश प्रदेश । प्रतिनिधिसभा सदस्य निर्वाचनलाई लक्षित गर्दै सीमा जोडिएका नाकाहरू बन्द गरिएको छ। निर्वाचनको शान्तिपूर्ण र सुरक्षित वातावरण सुनिश्चित गर्नका लागि फागुन १८ गते राति १२ बजे देखि २१ गते राति १२ बजे सम्म ७२ घण्टाका लागि सीमा सिल गरिएको हो। जिल्ला प्रशासन कार्यालय मोरङले यस सम्बन्धमा जानकारी दिएको छ।

सीमा सिल भएपछि आयात-निर्यातको कार्य ठप्प भएको छ भने आवतजावतमा समेत रोक लगाइएको छ। सहायक प्रमुख जिल्ला अधिकारी सरोज कोइरालाका अनुसार, यस कदमले निर्वाचनको समयमा सम्भावित घुसपैठलाई रोक्न मद्दत पुग्ने विश्वास गरिएको छ।

मोरङको करिब ६३ किलोमिटर भारतसँगको सीमा सिल भएपछि दुवै तर्फका सुरक्षा निकायहरूले थप सतर्कता अपनाएका छन्। सुरक्षा सतर्कता बढाउँदै आवश्यक गस्ती र पेट्रोलिङ गरिन थालेका छन्। प्रमुख नाका र सहायक मार्गहरूमा कडाइका साथ चेकजाँच भइरहेको छ भने, साना र ठूला सबै प्रकारका आवागमनमा निगरानी राखिएको छ। साथै, सीमा क्षेत्रमा अस्थायी सुरक्षा पोस्टहरू समेत स्थापना गरिएको छ।

यस कदमले निर्वाचनको निष्पक्षता र शान्ति कायम राख्न मद्दत गर्ने विश्वास गरिएको छ, साथै सीमा सुरक्षा थप सुदृढ बनाउने उद्देश्यले गरिएको हो।