सपना भिलेजको बार्षिक समीक्षा तथा योजना निर्माण कार्यशाला

रत्ननगर, फागुन १८ । सौराहा स्थित सपना भिलेज सोसियल इम्प्याक्ट सौराहाको बार्षिक समीक्षा तथा योजना निर्माण सम्बन्धी कार्यशाला गरेको छ ।

गरिवी निवारणलाई सिरानीमा राखेर विभिन्न ११ वटा परियोजना सञ्चालन गरेको सपना भिलेजले सन २०२४ मा गरेका कामहरुको समीक्षा गर्दै सन २०२५ मा गर्ने कामहरुको योजना निर्माणको बारेमा छलफल गरेको हो ।

सपना भिलेजले सीमान्तकृत चेपाङ तथा मुसहर समुदायको जीवन स्तर उकास्न संरक्षण, जीविकोपार्जन र आयआर्जन, युवा स्वरोगजार, विपन्न बालबालिकालाई शिक्षा र स्वास्थ्य, बाताबरण संरक्षण, सीप विकास, कृषि उत्पादनलाई प्राथमिकता दिएर परियोजना सञ्चालन भइरहेको इम्प्याक्टका अध्यक्ष ध्रुव गिरीले जानकारी दिए ।

चेपाङ बस्तीमा आयआर्जन, जीविकोपार्जन र शिक्षामा गरेको कामको उपलब्धिको बारेमा समीक्षा गर्दै विपन्न बस्तीमा वितरण गरिएको सुधारिएको चुलोको प्रभावकारीको विषयमा समेत छलफल गरिएको छ ।

विषय विज्ञको रुपमा रहेका सपना भिलेज सोसियल इम्प्याक्टका सञ्चालक सदस्यहरुले परियोजनाले गर्ने काम र त्यसको उपलब्धिको विषयमा जानकारी गराउदै सन २०२४ मा गर्ने कामहरुको विषयमा सुझाब समेत दिएका छन् । विषय विज्ञहरुबाट आएका कुराहरुलाई लिपीबद्ध गरी आगामी आर्थिक बर्षको लागि योजना निर्माण गर्ने इम्प्याक्टका अध्यक्ष गिरीले बताए ।

दुई दिन सम्म सञ्चालन भएको बार्षिक समीक्षा तथा योजना निर्माण सम्बन्धी कार्यशालामा सञ्चालक सदस्यहरु नारायण वन, डा.कृष्णप्रसाद पौडेल, सजनराम भण्डारी, संजिता भण्डारी, बर्षा पुरी, अजितमान प्रधान सहित ११ वटा परियोजनामा कार्यरत कर्मचारीहरुको सहभागिता रहेको थियो ।

कार्यक्रममा उत्कृष्ट कर्मचारीको रुपमा फिल्ड सहजकर्ता अमृता पुरीलाई सम्मान गरिएको कार्यक्रम निर्देशक सुजन बस्नेतले जानकारी दिए ।