वीरगञ्जमा सशस्त्र प्रहरी बलको महिला कैदीबन्दीलाई न्यानो कपडा वितरण

विरगञ्ज — सशस्त्र प्रहरी बल, नेपाल नं. १३ गण हेडक्वार्टर पर्साले २५औँ सशस्त्र प्रहरी दिवसको अवसरमा वीरगञ्ज कारागारमा रहेका महिला कैदीबन्दीहरूलाई न्यानो कपडा वितरण गरेको छ। यस कार्यक्रममा कारागारमा रहेका ६२ जना महिला कैदीबन्दी र उनीहरूका पाँचजना बालबालिकालाई न्यानो कपडा उपलब्ध गराइएको हो।

गणपति र सशस्त्र प्रहरी उपरीक्षक पुरनचन्द्र भट्टले उक्त दिवसको अवसरमा न्यायो कपडा वितरण गरिएको जानकारी दिएका छन्। यस पहलले महिला कैदीबन्दीहरूको सहजता र आरामलाई ध्यानमा राख्दै उनीहरूको मनोबल वृद्धिमा मद्दत पुर्याएको छ। यसै गरी, सशस्त्र प्रहरीले वीरगञ्ज महानगरपालिका–१ स्थित छपकैयाँमा रहेको बविता पराजुली आधारभूत विद्यालयको प्राङ्गणमा विशेष आँखा शिविर सञ्चालन गरेको छ। उक्त शिविरबाट ७८ जना स्थानीयबासी लाभान्वित भएका छन्।

शिविरमा नेत्र परीक्षण र आवश्यक उपचार गर्ने व्यवस्था मिलाइएको थियो। यस पहलले स्थानीय जनतालाई स्वास्थ्य सेवामा पहुँच सहज बनाएको छ। सशस्त्र प्रहरी बलले यस प्रकारका सामाजिक कार्यहरू निरन्तर सञ्चालन गरी समुदायसँगको सम्बन्धलाई अझ सुदृढ बनाउँदै आएको छ। यस कदमले प्रहरीको सकारात्मक छवि र जनताको विश्वास जित्न मद्दत पुर्‍याएको छ।