प्युठानमा १० वर्षीया बालिकालाई जबरजस्ती करणी गरेको अभियोगमा युवक पक्राउ

प्युठान – प्युठानमा १० वर्षीया बालिकालाई जबरजस्ती करणी गरेको अभियोगमा एक युवकलाई प्रहरीले पक्राउ गरेको छ। पक्राउ पर्नेमा स्वर्गद्वारी नगरपालिका–९ जुकेना बस्ने २१ वर्षीय दुर्ग बहादुर घर्ती मगर रहेका छन्। उनलाई बुधबार दिउँसो प्रहरी नियन्त्रणमा लिईएको हो।

प्रहरीका अनुसार, पीडित बालिकाले उजुरी दिएको आधारमा प्रहरी टोलीले तुरुन्तै अनुसन्धान सुरु गरेको थियो। अस्थायी प्रहरी पोष्ट लामाचौरबाट खटिएको प्रहरी टोलीले आरोपीलाई पक्राउ गरेको हो। घटनाको थप अनुसन्धान भइरहेको प्रहरीले जनाएको छ।

प्रहरीले आवश्यक कानूनी प्रक्रिया पुर्‍याउँदै आरोपीविरुद्ध कडा कारबाहीको तयारी गरिरहेको जनाएको छ। यस प्रकारको जघन्य अपराधलाई लिएर समुदायमा आक्रोश र चिन्ता व्यक्त गरिएको छ। प्रहरी र समाजसेवी संस्थाहरुले यस घटनामा समर्पित अनुसन्धान र कडा कारबाहीको माग गरेका छन्।