ओपनएआईको वित्तीय संकट: अरबौं लगानी र घाटाको बीच भविष्य अनिश्चितता

न्युयोर्क – कृत्रिम बुद्धिमत्ता (एआई) को विश्वव्यापी नेतृत्वमा रहेको ओपनएआई अहिले ठूलो आर्थिक दबाबमा परेको छ। विश्वभरिका लगानीकर्ताहरूको महत्वपूर्ण रोजाइ बनेको यस कम्पनीले अझै पनि नाफामुखी मोडल तय गर्न सकेको छैन, जसले कम्पनीको आर्थिक स्थिरतालाई चुनौतीमा पार्दैछ।

हालै एनभिडिया कम्पनीका सीईओ जेन्सन हुआङले ओपनएआईमा थप ३० अर्ब डलर लगानी गर्ने घोषणा गरे पनि, यसलाई अन्तिम लगानी मानिएको छैन। उनले भने, “सार्वजनिक शेयर निष्कासन नभएसम्म थप पैसा लगानी गर्न सकिँदैन,” जसले बजारमा नयाँ चिन्ताको लहर फैलाएको छ।

यसअघि प्रस्तावित १०० अर्ब डलरको पूर्वाधार निवेशबाट पनि एनभिडिया पछि हटेको खबरले कम्पनीको भविष्यप्रति विश्वसंकट थपाएको थियो। हालको ३० अर्ब डलरको लगानी पनि ठूलो रकम हो, जुन एनभिडियाको वार्षिक आम्दानीको लगभग आठौँ र पछिल्लो त्रैमासिक आम्दानीको आधा हो।

आर्थिक विश्लेषकहरूका अनुसार, ओपनएआई र जस्ता घाटामुखी कम्पनीहरूमा गरिएको भारी लगानीले शेयर बजारमा मूल्याङ्कनमा अनिश्चितता ल्याएको छ। बोस्टन कलेजका एसोसिएट डिन अलेक्जेन्डर टोमिकले भने, “एआई क्षेत्रमा भविष्य १९९० को इन्टरनेट जस्तै देखिएको छ, जहाँ सम्भावना धेरै छ, तर पैसा कमाउने स्पष्ट बाटो अझै फेला परेको छैन।”

उनले थप गरे, “ओपनएआईलाई अहिलेको मूल्याङ्कन पुष्टि गर्न २०३० सम्ममा वार्षिक २०० अर्ब डलर आम्दानी गर्नुपर्नेछ, जुन अहिलेको १५ गुणा बढी हो। साथै, यसको सञ्चालन खर्च पनि आकासिएको छ।” एचएसबीसीको अनुमानअनुसार, २०३३ सम्ममा ओपनएआईको कम्प्युटिङ शक्ति व्यवस्थापनको लागत १.४ ट्रिलियन डलर पुग्न सक्छ।

माइक्रोसफ्टको अवस्था पनि यस्तै हो। ओपनएआईलाई आफ्नो क्लाउड प्लेटफर्म एजोरमार्फत सेवा दिँदै आएको माइक्रोसफ्टको खर्च ६६ प्रतिशतले बढेपछि यसको शेयर मूल्यमा भारी गिरावट आएको हो। साथै, बढ्दो ऋण, प्रतिलिपि अधिकार र कानुनी मुद्दाहरूले कम्पनीको जोखिम बढाएको छ।

विशेषज्ञहरूले चेतावनी दिएका छन् कि आगामी १८ महिनामा कम्पनीको आर्थिक अवस्थाले नयाँ संकट निम्त्याउन सक्छ। उच्च राजस्व र आवश्यक विशाल लगानीले ओपनएआईको भविष्य अझ अनिश्चित बनाएको देखिन्छ।