म्याद गुज्रिएका खाद्य सामग्रीमा नयाँ मिति राखेर बिक्री गरेको आरोपमा दुई जना पक्राउ
- काठमाडौँ ।
- म्याद गुज्रिएका खाद्य सामग्रीमा नयाँ मिति र नक्कली लेबल राखेर बिक्री गरेको आरोपमा प्रहरीले काठमाडौँबाट दुई जनालाई पक्राउ गरेको छ।
काठमाडौँ । म्याद गुज्रिएका खाद्य सामग्रीमा नयाँ मिति र नक्कली लेबल राखेर बिक्री गरेको आरोपमा प्रहरीले काठमाडौँबाट दुई जनालाई पक्राउ गरेको छ।
पक्राउ पर्नेमा बारा, प्रसौनी गाउँपालिका–१ घर भई हाल काठमाडौँको तिनथानामा बस्दै आएका ४० वर्षीय विजेन्द्र साह र पर्सा, बिन्दवासिनी गाउँपालिका–२ घर भई हाल तिनथानामै बस्ने ४९ वर्षीय अखिलेस प्रसाद कलवार छन्।
जिल्ला प्रहरी परिसर काठमाडौँ र खाद्य प्रविधि तथा गुण नियन्त्रण विभागको संयुक्त टोलीले चन्द्रागिरि नगरपालिका–१५, तिनथानास्थित सिद्धिविनायक खाद्य स्टोरमा अनुगमन गरेको थियो। अनुगमनका क्रममा म्याद गुज्रिएका खाद्य सामग्रीमा नयाँ मिति राखेर पुनः लेबलिङ गरिरहेको अवस्थामा उनीहरूलाई नियन्त्रणमा लिइएको प्रहरीले जनाएको छ।
पक्राउ परेका दुवै जनामाथि थप अनुसन्धान भइरहेको काठमाडौँ प्रहरी परिसरका प्रवक्ता प्रहरी उपरीक्षक दानबहादुर थापाले जानकारी दिए।
प्रतिक्रिया
यो पनि पढौँ
यो पनि पढौँ
