चितवनमा निर्वाचनका लागि अनुमति लिएर राखिएका ११ वटा हतियार फिर्ता

चितवन। चितवनमा अनुमति लिएर राखिएका ११ हतियार मात्रै स्थानीय प्रशासनलाई फिर्ता गरिएको छ। आगामी फागुन २१ गते हुने प्रतिनिधिसभा निर्वाचनलाई लक्षित गरी स्थानीय प्रशासनले हतियार बुझाउन आग्रह गरिए पनि, अनुमति लिएका हतियारहरू अपेक्षाकृत रूपमा फिर्ता भएको छैन।

प्रमुख जिल्ला अधिकारी गणेश अर्यालका अनुसार जिल्लामा १४१ व्यक्तिले हतियार राख्न अनुमति पाएका छन्। स्थानीय प्रशासनले निर्वाचनको निष्पक्षता, स्वच्छता, शान्ति र विश्वसनीयता कायम गर्नका लागि अनुमति लिएका हतियारहरू बुझाउन माघ ६ गते सूचना प्रकाशित गरेको थियो। पन्ध्र दिनभित्र हतियार बुझाउन भनिए पनि सो समयावधि सकिएपनि हालसम्म सम्पूर्ण हतियार फिर्ता भएको छैन।

प्रजिअ अर्यालले भने, “हतियार राख्ने अनुमति लिएर जिल्लाबाहिर राखिएका हुन सक्छन्। साथै, अन्य जिल्लाबाट आउने तथ्यांक पनि हेर्दैछौं। बैंकिङ क्षेत्रका हतियारहरू बैंकको सुरक्षा का लागि राखिएका भएकाले ती हतियारहरू फिर्ता गर्न आवश्यक छैन।” उनले थपे, “अन्य अनुमति लिएका हतियारहरू निर्वाचनको समयमा फिर्ता गरी निर्वाचनपछि पुनः लिन सकिने व्यवस्था मिलाइएको छ।”

स्थानीय प्रशासनले हतियार बुझाउने प्रक्रिया जारी राख्दै, शान्तिपूर्ण निर्वाचनका लागि आवश्यक कदमहरू चालिरहेको जनाएको छ।