प्रतिनिधिसभा निर्वाचनको समानुपातिक मतगणना सम्पन्न, अन्तिम परिणाम तयारीमा

काठमाडौं – प्रतिनिधिसभा सदस्य निर्वाचनको प्रत्यक्ष र समानुपातिक दुवै तर्फको मतगणना सम्पन्न भइसकेको छ। प्रत्यक्षतर्फको अन्तिम नतिजा सार्वजनिक भइसके पनि, समानुपातिकतर्फको मतगणनाको अन्तिम परिणाम अझै सार्वजनिक भएको छैन।

निर्वाचन आयोगका सहायक प्रवक्ता कुलबहादुर जिसीले जानकारी दिए अनुसार, समानुपातिक मतगणनाको प्रक्रिया तीव्र गतिले भइरहेको छ। उनले भने, “समानुपातिकको मतगणना सकिएसँगै प्राप्त भएका सबै जिल्लाका निर्वाचन फारमहरू प्रविष्ट गरिँदैछन्। यसपछि यी फारमहरू आयोगको वेबसाइटमा अपडेट गरिनेछ।”

उनका अनुसार, फारम प्रविष्ट गरेपछि प्राप्त मतानुसार राजनीतिक दलहरूलाई पाउने सिटहरूको संख्या निर्धारण गरिनेछ। त्यसपछि आयोगले दलहरूलाई औपचारिक पत्र पठाउनेछ, जसमा सिट बाँडफाँटको प्रक्रिया स्पष्ट हुनेछ।

सहायक प्रवक्ता जसीले थपे, “थ्रेसहोल्ड कटाउने र नकटाउने दलहरू छुट्याइनेछ र त्यसपछि सिटहरूको बाँडफाँट हुनेछ। हामी सबैको लागि सम्भव भएसम्म आजै यो प्रक्रिया टुङ्ग्याउने प्रयासमा छौं, नत्र केही समय थपिन सक्छ।”

हालसम्म, आयोगले आफ्नो वेबसाइटमा अपडेट गरेको तथ्याङ्क अनुसार, समानुपातिक मतगणनामा एक करोड सात लाख ३९ हजार १५ मत गणना भइसकेको छ। यसमा केही परिवर्तन हुन सक्नेछ।

तथ्याङ्क अनुसार, राष्ट्रिय स्वतन्त्र पार्टी (रास्वपा) ले ५१ लाख ३९ हजार २३५ मत प्राप्त गरेको छ। त्यसैगरी, कांग्रेसले १७ लाख ४९ हजार ५८३, नेकपा (एमाले) ले १४ लाख ४८ हजार ८५४, नेपाली कम्युनिस्ट पार्टीले ८ लाख ५ हजार ७५३, श्रम संस्कृति पार्टीले ३ लाख ७८ हजार ६४९ र राष्ट्रिय प्रजातन्त्र पार्टीले ३ लाख २९ हजार ४७२ मत प्राप्त गरेको जानकारी दीएको छ। आयोगले अन्तिम परिणाम सार्वजनिक गरेपछि, राजनीतिक दलहरू र आम जनता सबैको चासो अझ बढ्ने अपेक्षा गरिएको छ।