लक्ष्मिनियाँ गाउँपालिका वडा १ अरेरवामा स्यालको आक्रमण, ६ भन्दा बढी घाइते

जनकपुरधाम । लक्ष्मिनियाँ गाउँपालिका वडा नम्बर १ अरेरवामा आइतवार दिउँसो करिब १ देखि ३ बजेको बीचमा स्यालले आक्रमण गर्दा आधा दर्जनभन्दा बढी स्थानीय घाइते भएका छन्। घटनामा परि लक्ष्मीनियाँ गाउँपालिका–१ का ६५ वर्षीय चन्देश्वर यादव, लक्ष्मिनियाँ गाउँपालिका–२ का १७ वर्षीय अनिल यादव, सोही स्थानका संतोष यादव र ५० वर्षीय प्रगास मण्डल घाइते भएका छन्।

घाइतेहरूको शरीरका विभिन्न भागमा स्यालले टोकेको बताइएको छ। घाइतेहरूको उपचार जनकपुर प्रादेशिक अस्पतालमा भइरहेको छ। पहिचान नभएको एक महिलाको अवस्था गम्भीर भएकोले थप उपचारका लागि काठमाडौं रेफर गरिएको छ।

घटनापछि स्थानियवासी त्रसित भएका छन् र स्याल नियन्त्रण तथा खोजीका लागि पहल भइरहेको छ। यस घटनाप्रति स्थानीय समुदायमा ठूलो आक्रोश र भयको माहोल छ। अधिक विवरण र थप खबरहरू आउन बाँकी रहेको जानकारी प्राप्त भएको छ। यस घटनाले गाउँमा सुरक्षा र जनजीवन प्रभावित भएको छ।