बढ्यो सुन र चाँदीको मूल्य, आज कतिमा हुदैँछ कारोबार?

काठमाडौं । नेपालको बजारमा सुन र चाँदीको मूल्यमा उल्लेखनीय वृद्धि भएको छ। नेपाल सुनचाँदी व्यवसायी महासंघका अनुसार, सोमबार छापावाल सुनको मूल्य तोलामा ४ हजार १ सय रुपैयाँले वृद्धि भई ३ लाख ४ हजार ६ सय रुपैयाँ कायम भएको हो। यसअघि आइतबार यसै प्रकारको सुन तोलामा ३ लाख ५०० रुपैयाँमा कारोबार भइरहेको थियो।

महासंघका अनुसार, सोमबार चाँदीको मूल्य पनि थप बढ्दै तोलामा ५ हजार २ सय ५० रुपैयाँ पुगेको छ। आइतबार यसै क्रममा चाँदीको मूल्य तोलामा ५ हजार १० रुपैयाँमा कारोबार भएको थियो।

नेपाल सुनचाँदी व्यवसायी महासंघले अन्तर्राष्ट्रिय बजारमा सुन र चाँदीको मूल्यवृद्धिले नेपाली बजारलाई प्रभाबित गरेको जनाएको छ। विश्वव्यापी बजारमा सुन र चाँदीको मूल्यबृद्धि भएको कारणले नेपाली बजारमा पनि मूल्य वृद्धि भएको हो। यसले सुन र चाँदीका ग्राहक र व्यवसायीलाई प्रभावित बनाएकोछ।

यस वृद्धि संगै, बजारका विश्लेषकहरूले भनेका छन् कि अन्तर्राष्ट्रिय बजारको प्रभावले आगामी दिनहरूमा पनि मूल्यमा थप वृद्धिको सम्भावना रहेको छ। ग्राहकहरूलाई यसबारे सचेत रहन सुझाव दिइएको छ।