सुनको मूल्यमा भारी वृद्धि, अन्तरराष्ट्रिय बजारमा पनि रेकर्ड उच्चता

काठमाडौँ — स्थानीय बजारमा सुनको मूल्यमा भारी वृद्धि भएको छ। मंगलबारको तुलनामा आज एक तोला सुनको मूल्य १० हजार ४०० रुपैयाँले बढेको हो। नेपाल सुनचाँदी व्यवसायी महासंघका अनुसार आज एक तोला छापावाल सुनको मूल्य दुई लाख ९५ हजार १०० रुपैयाँ कायम भएको छ भने चाँदीको मूल्य पाँच हजार ९२० रुपैयाँ रहेको छ।

मंगलबार एक तोला छापावाल सुनको मूल्य दुई लाख ८४ हजार ७०० रुपैयाँ थियो भने चाँदीको मूल्य पाँच हजार ८८० रुपैयाँ थियो। यसअघि आइतबार एक तोला सुनको मूल्य दुई लाख ७८ हजार ८०० रुपैयाँ र चाँदीको मूल्य पाँच हजार ६२५ रुपैयाँ कायम भएको थियो। त्यसअघि सोमबार एक तोला सुन दुई लाख ८२ हजार र त्यस्तै परिमाणको सेतो धातु पाँच हजार ८१० रुपैयाँमा कारोबार भएको थियो।

अन्तर्राष्ट्रिय सञ्चारमाध्यमहरूको अनुसार आज अन्तरराष्ट्रिय बजारमा एक औँस सुन चार हजार ७४० अमेरिकी डलरमा कारोबार भइरहेको छ। त्यस्तै, सेतो धातुको मूल्य ९५ अमेरिकी डलर रहेको छ।

आर्थिक विश्लेषकहरूले भनेका छन्, विश्व अर्थतन्त्रमा अनिश्चितता बढ्नु, मुद्रास्फीति र भूराजनीतिक तनावका कारण सुरक्षित लगानीको रूपमा सुन र चाँदीको माग बढेको हो। यसले गर्दा दुबै धातुहरूको मूल्य नयाँ उचाइमा पुगेको हो।

यस वृद्धि संगै नेपालका लगानीकर्ताहरू र स्वर्ण व्यवसायीहरूमा समेत उत्साह देखिएको छ। बजारमा आउने दिनहरूमा सुन र चाँदीको मूल्य कसरी परिवर्तन हुन्छ भन्ने विषयमा सर्वसाधारणको चासो बढेको छ।