राष्ट्रियसभा निर्वाचन कार्यक्रम सार्वजनिक, माघ ११ मा मतदान हुने

काठमाडौं । राष्ट्रियसभा निर्वाचनका लागि निर्वाचन आयोगले औपचारिक रूपमा निर्वाचन कार्यक्रम स्वीकृत गर्दै विस्तृत तालिका सार्वजनिक गरेको छ। फागुन २० गते कार्यकाल सकिँदै गरेका १९ सदस्यमध्ये १८ पदका लागि निर्वाचन प्रक्रिया पुस १९ गतेदेखि सुरु हुने आयोगले जनाएको छ। एक पद राष्ट्रपतिबाट मनोनयन हुने भएकाले निर्वाचन १८ सिटमा सीमित हुनेछ।

मतदाता नामावली प्रकाशनदेखि अन्तिम नामावलीसम्म—यस्तो छ समयरेखा

निर्वाचन आयोगले स्वीकृत गरेको कार्यतालिकाअनुसार:

१) मतदाता नामावली प्रकाशन

• पुस १९, बिहान १०:००–११:०० : प्रारम्भिक मतदाता नामावली प्रकाशन

• पुस २२, दिउँसो ३:००–४:०० : दाबी–विरोधको छानबिनपछि अन्तिम मतदाता नामावली प्रकाशन

२) उम्मेदवारी दर्ता तथा नामावली प्रकृया

• पुस २३, बिहान १०:००–दिउँसो ३:०० : उम्मेदवार मनोनयन दर्ता

• पुस २४, बिहान १०:००–दिउँसो ४:०० : उम्मेदवारविरुद्ध उजुरी दर्ता

• पुस 27, बिहान १०:००–दिउँसो १:०० : उम्मेदवारले नाम फिर्ता लिन सक्ने

• पुस 27, दिउँसो १:००–२:०० : उम्मेदवारको अन्तिम नामावली प्रकाशन

३) निर्वाचन चिन्ह वितरण

• पुस २८, बिहान १०:००–दिउँसो १:०० : उम्मेदवारलाई निर्वाचन चिन्ह प्रदान

माघ ११ मा मतदान

निर्वाचन तालिकाअनुसार मतदान:

• माघ ११, बिहान ९:००–दिउँसो ३:००
  सम्बन्धित प्रदेशका मतदान केन्द्रहरूमा हुनेछ।

कुन प्रदेशबाट कति सदस्य?

फागुन २० गते कार्यकाल सकिँदै गरेका राष्ट्रियसभा सदस्यमध्ये १८ सिटमा निर्वाचन हुँदैछ। प्रदेशअनुसार निर्वाचन हुने सिट संख्या यस्तो छ:

• कोशी प्रदेश – ३

• मधेश प्रदेश – ४

• बागमती प्रदेश – २

• गण्डकी प्रदेश – २

• लुम्बिनी प्रदेश – ३

• कर्णाली प्रदेश – २

• सुदूरपश्चिम प्रदेश – २

यसपटक पद रिक्त हुन लागेकामध्ये बामदेव गौतम राष्ट्रपतिबाट मनोनयन भएकाले उनको सिट निर्वाचनमा नपर्ने आयोगले स्पष्ट गरेको छ।