पोखरामा मोटरसाइकल चोरी भएको एक घण्टामै मोटरसाइकलसहित दुई जना पक्राउ

कास्की । पोखरामा मोटरसाइकल चोरी भएको करिब एक घण्टामै प्रहरीले चोरीको मोटरसाइकलसहित दुई जनालाई पक्राउ गरेको छ।

जिल्ला प्रहरी कार्यालय कास्कीका अनुसार २०८१ असोज ३० गते राति करिब १० बजे पोखरा महानगरपालिका–१६, सीतापाइलाबाट ग १९ प १०९१ नम्बरको मोटरसाइकल हराएको सूचना प्राप्त भएको थियो। सूचना पाएलगत्तै खोजतलासमा खटिएको प्रहरी चौकी छोरेपाटनको टोलीले राति करिब ११ बजे पोखरा महानगरपालिका–१७, सिमलटुँडाबाट मोटरसाइकलसहित दुई जनालाई फेला पारेको हो।

पक्राउ पर्नेमा मोटरसाइकल चलाइरहेका पोखरा महानगरपालिका–७, मासबारका ३१ वर्षीय सागर गुरुङ र पछाडि सवार लमजुङको बेँसीसहर नगरपालिका–७, मिलनचोक स्थायी घर भई हाल पोखरा महानगरपालिका–९, पृथ्वीचोक बस्ने २५ वर्षीय किरण ठकुरी छन्।

प्रहरीका अनुसार उनीहरूमाथि चोरीसम्बन्धी कसुरमा थप अनुसन्धान भइरहेको छ।