रवि लामिछानेको चेतावनी र जलवायु आपतकालीन प्रस्ताव: प्राकृतिक विपद् र जलवायु अन्यायको निष्क
- काठमाडौं — राष्ट्रिय स्वतन्त्र पार्टी (रास्वपा) का सभापति रवि लामिछानेले विपद्मा परेका नागरिकमाथि सामाजिक सञ्जालमा तुच्छ टिप्पणी गर्ने पार्टीका सदस्यहरूलाई तत्काल साधारण सदस्यबाट समेत निष्कासन गर्न चेतावनी दिएका छन्।
- उनले जलवायु परिवर्तन र प्राकृतिक विपद्लाई केवल प्राकृतिक प्रकोप नभई ‘जलवायु अन्याय’ को परिणाम भएको ठहर गर्दै संसदबाट ‘हिमाली जलवायु तथा विपद् आपतकाल’ सम्बन्धी विशेष प्रस्ताव पारित गर्न सरकारलाई आग्रह गरेका छन्।
काठमाडौं — राष्ट्रिय स्वतन्त्र पार्टी (रास्वपा) का सभापति रवि लामिछानेले विपद्मा परेका नागरिकमाथि सामाजिक सञ्जालमा तुच्छ टिप्पणी गर्ने पार्टीका सदस्यहरूलाई तत्काल साधारण सदस्यबाट समेत निष्कासन गर्न चेतावनी दिएका छन्। उनले जलवायु परिवर्तन र प्राकृतिक विपद्लाई केवल प्राकृतिक प्रकोप नभई ‘जलवायु अन्याय’ को परिणाम भएको ठहर गर्दै संसदबाट ‘हिमाली जलवायु तथा विपद् आपतकाल’ सम्बन्धी विशेष प्रस्ताव पारित गर्न सरकारलाई आग्रह गरेका छन्।
बुधवार प्रतिनिधिसभालाई सम्बोधन गर्दै लामिछानेले विपद्मा सर्वस्व गुमाएका नागरिकको आक्रोशलाई स्वाभाविक र उनीहरूको नैसर्गिक अधिकार भएको बताए। सामाजिक सञ्जालमा नागरिकहरूको चित्कार र पीडालाई गलत व्याख्या गर्दै साइबर बुलिङ र ओठे जवाफ फर्काउने कार्यलाई उनले निन्दा गरेका छन्।
रास्वपाका कुनै पनि तहका सदस्य वा पदाधिकारी यस्तो अमानवीय कार्यमा संलग्न भएको पाइए तुरुन्तै पार्टीबाट निष्कासन गरिने चेतावनी दिएर उनले पीडित नागरिकलाई होच्याउने समर्थन गर्ने कार्यकर्ता चाहिएको नभएको स्पष्ट पारे।
लामिछानेले भदौ १० गते ज्यान गुमाएका नागरिकलाई प्राकृतिक विपत्तिका मृतक नभई ‘जलवायु अन्याय’ का पीडितको रूपमा स्वीकार गर्नुपर्ने बताए। उनले विश्वव्यापी कार्बन उत्सर्जनमा नेपालको भूमिका नगण्य भए पनि, नेपालले जलवायु संकटको चर्को मूल्य चुकाउनुपरेको र यसलाई अन्तर्राष्ट्रिय मञ्चमा सशक्त रूपमा उठाउनुपर्ने धारणा व्यक्त गरे।
उनले संघीय संसदको दुवै सदनबाट ‘हिमाली जलवायु तथा विपद् आपतकाल’ सम्बन्धी प्रस्ताव पारित गर्न सरकारलाई आह्वान गरे। यसले नेपालको स्पष्ट अडान अन्तर्राष्ट्रिय समुदायमा प्रस्तुत गर्न मद्दत पुर्याउने विश्वास व्यक्त गरे।
पुनर्निर्माणका लागि विदेशी ऋणको भार थप्न नहुने भन्दै उनले ‘हानि र नोक्सानी कोष’ बाट अनुदानमा आधारित स्रोत ल्याउन कूटनीतिक पहल गर्नुपर्नेमा जोड दिए।
सैन्य, प्रहरी, सशस्त्र प्रहरी, स्वास्थ्यकर्मी र स्थानीय नागरिकको साहसको प्रशंसा गर्दै लामिछानेले विपद्को समयमा सबै राजनीतिक दलहरूले देखाएको एकता सकारात्मक भएको बताए। उनले भने, “यसरी राजनीतिक आरोप-प्रत्यारोप गर्न र रोटी सेक्नुपर्ने काम बन्द गर्नुपर्छ।”
अध्यक्ष लामिछानेले व्यक्तिको जोश र जाँगरको सीमा हुने भन्दै व्यक्तिबाट भन्दा राज्यको संस्थागत प्रणालीलाई बलियो बनाउने आवश्यकता औंल्याए। उनले भने, “संस्थागत प्रणालीलाई स्रोत, साधन र प्रविधिले सुसज्जित बनाएर मात्रै भविष्यका संकटहरूको सामना गर्न सकिन्छ।”
प्रतिक्रिया
यो पनि पढौँ
यो पनि पढौँ
