विष्णुपुर बजार क्षेत्रबाट रुख कटान: गाउँपालिका अध्यक्षसहित संलग्नता

सिराहा – सिराहा जिल्लाको विष्णुपुर गाउँपालिका–१ स्थित विष्णुपुर बजार क्षेत्रमा सडकको दुवैतर्फ लागाइएका आँप र जामुनका रुखहरू बिना अनुमति काटिएको घटनाले स्थानीयवासीमा आक्रोश फैलिएको छ। रुख कटानको उक्त घटनालाई लिएर स्थानीय समुदायले गहिरो नाराजगी व्यक्त गरेका छन्।

स्थानीयवासीका अनुसार, बजार क्षेत्रमा रहेका प्राचीन रुखहरू राजनीतिक पहुँचको आडमा अवैध रुपमा काटिएको आरोप लगाएका छन्। उनीहरूले विष्णुपुर गाउँपालिका अध्यक्ष सत्यनारायण यादवको नाम समेत लिदै बताए, जसको अगुवाइमा रुखहरू काटिएको हुनसक्ने आशंका व्यक्त गरिएको छ। स्थानीय अरुण यादवले भने, “गाउँपालिकाका अध्यक्षसहित राजकुमार यादव, नागे यादव, र विन्देश्वर यादव (फतुरिया) लगायतका व्यक्तिहरू रुख कटानमा संलग्न भएको हुनसक्ने हाम्रो आरोप छ।”

यस विषयमा डिभिजन वन कार्यालय लहानका प्रमुख शैलेन्द्र मिश्राले घटनाको विषयमा अनुसन्धान भइरहेको जानकारी दिए। उनले भने, “हामीले घटनाको गम्भीरताका साथ जाँच गरिरहेका छौं। दोषी पत्ता लागे अनुसार वन ऐनअनुसार कडा कारबाही हुनेछ।”

यस विषयमा थप जानकारी लिन गाउँपालिकाका अध्यक्षसहित सम्पर्क गर्न खोजिए पनि उनको फोन सम्पर्कमा आएन। घटनाको अनुसन्धान जारी रहेकाले थप विवरण प्राप्त हुन बाँकी रहेको छ।

स्थानीय रुख संरक्षण र वन ऐनको पालना सुनिश्चित गर्न आवश्यक रहेको भन्दै समुदायले घटना प्रति गम्भिर ध्यानाकर्षण गराएका छन्। यस घटनाले रुख संरक्षणको महत्व र राजनीतिक पहुँचको दुरुपयोगको समस्या उजागर गरेको छ।