कारागारबाट फरार कैदिहरूको खोजी तीव्र, हालसम्म ३८८ जना फिर्ता, ९९ जना अझै फरार

जिल्ला कारागारबाट भागेका कैदीबन्दीहरूका सम्बन्धमा नयाँ जानकारी सार्वजनिक भएको छ। हालसम्म, भागेका ३८८ कैदीबन्दीमध्ये ३७१ पुरुष र १७ महिला गरी जम्मा ३८८ जना फिर्ता आएका छन्। यसबाहेक, फरार रहेका कैदीबन्दीहरूको संख्या अझै पनि उच्च रहेको छ। कारागार कार्यालयका निमित्त प्रशासक रामदत्त जोशीका अनुसार, कारागार तोडफोडपछि फरार भएका कैदीबन्दीहरू मध्ये अझै ९९ जना फरार रहेका छन्। यसमा १७ महिला कैदी समेत रहेका छन्।

प्रशासनका अनुसार, फिर्ता भएकामध्ये ६३ कैदीलाई प्रहरीले जिल्लाका विभिन्न स्थानबाट पक्राउ गरी कारागारमा पुनः बुझाएको हो। यसैगरी, हाल कारागारमा १४ भारतीय नागरिकसमेत कैद सजाय भोगिरहेका छन् भने अझै १७ भारतीय कैदी फरार रहेका छन्।

प्रशासनले स्पष्ट गरेको छ कि, स्वेच्छिक रूपमा फिर्ता हुन तोकिएको समयभित्र नफर्किने कैदी तथा थुनुवामाथि कारागार ऐन, २०७९ र अन्य प्रचलित कानुनअनुसार आवश्यक कानुनी कारबाही गरिनेछ। साथै, फरार कैदी वा थुनुवालाई लुकाउने, छिपाउने वा आश्रय दिने व्यक्तिहरू पनि कानुनी रूपमा कसुरदार ठहरिनेछन्। यससम्बन्धमा आवश्यक कारबाही अघि बढाइने व्यवस्था छ।

निमित्त प्रशासक रामदत्त जोशीले भने, पटक–पटक कारागार प्रशासनले स्वेच्छिक रूपमा फर्किनको लागि सार्वजनिक अपिल गरिरहेको भए पनि केही कैदी अझै सम्पर्कमा नआएको जानकारी दिएका छन्। यसकारण, प्रहरीले फरार कैदीबन्दीहरूको खोजी र पक्राउ कार्यलाई तीव्रता दिएको जानकारी पनि दिएका छन्।

यस क्रममा प्रशासनले सम्पूर्ण प्रहरी र सम्बन्धित निकायहरूलाई सतर्कता अपनाउन र फरार कैदीहरूलाई शीघ्र पक्राउ गर्न आग्रह गरेको छ। फरार कैदीहरूको खोजी र पक्राउ कार्यलाई तीव्रता दिँदै, सरकार र प्रशासनले यस विषयमा कडा कदम चाल्ने तयारी गरेको बताएको छ।