सिरहा नगरपालिका–१८ लक्ष्मीनिया निवासी दुई वर्षीय ऋषि मण्डलको पोखरीमा डुबेर मृत्यु

महेश सिंह – सिरहा नगरपालिका–१८ लक्ष्मीनिया निवासी धनेश्वर मण्डलको छोरा दुई वर्षीय छोरा ऋषि कुमार मण्डलको घर नजिकै रहेको पोखरीमा डुबेर मृत्यु भएको घटनाले क्षेत्रलाई स्तब्ध बनाएको छ। मंगलबार बिहान भएको यस दुःखद घटनामा बालक ऋषि कुमार मण्डलको प्रायः घर नजिकै रहेको पोखरीमा खेल्ने क्रममा अचानक पानीमा डुबेका हुन्।

घटना स्थलबाट स्थानीयहरूले बालकलाई तत्काल उद्धार गरी स्थानीय स्वास्थ्य चौकी ल्याए, जहाँ प्राथमिक उपचारका लागि प्रादेशिक अस्पताल सिरहामा पठाइयो। तर, उपचारको क्रममा बालकको मृत्यु भएको अस्पतालले जनाएको छ।

प्रहरीले घटनाको विषयमा थप अनुसन्धान गरिरहेको छ। घटनाको सही कारण पत्ता लगाउन र यसमा संलग्न व्यक्तिहरूको पहिचान गर्न थप अनुसन्धान भइरहेको प्रहरीको भनाइ छ।

यस घटनाले परिवार र समुदायमा गहिरो शोकलहर फैलिएको छ। स्थानीय तह र सम्बन्धित निकायहरूले यस्ता दुःखद घटनाहरूबाट सिक्न र बालबालिकाको सुरक्षा सुनिश्चित गर्न आवश्यक कदम चाल्नुपर्ने आवश्यकता औंल्याएका छन्।