सपना भिलेजद्वारा चेपाङको जीवन स्तर उकास्न मौरीको घार वितरण

इच्छाकामना, बैशाख ५ । इच्छाकामना गाउँपालिकाका १४ जना किसानलाई मैरीको घार वितरण गरेको छ ।

चेपाङ समुदायका नमुना कृषकहरू छनौट गरि प्रतिव्यक्ति २ को दरले २८ वटा मौरीको घार तथा आधार चाका र क्विन गेट वितरण गरिएको हो । सपना भिलेज सोसियल ईम्प्याक्टका संस्थापक अध्यक्ष ध्रुव गिरिको अध्यक्षता तथा इच्छाकामना गाउँपालिका वडा नं २ का वडा अध्यक्ष पञ्चबहादुर प्रजाको प्रमुख आतिथ्यता कार्यक्रम गरिएको थियो ।

चेपाङ समुदायको उत्थानको लागि आयस्रोत अभिवृद्धि गर्ने उद्देश्यले मौरीको घार वितरण गरिएको सपना भिलेजका अध्यक्ष गिरीले बताए। गरिएको थियो। सपना भिलेजसँगको कार्यक्रममा सहभागी भई कृषि क्षेत्रमा राम्रो गरेकाले नमुना कृषक छनोट गरिएको थियो।

संख्यात्मक हिसाबले छापडाँडा र हात्तीबाङ रेन कम्युनिटीबाट चाररचार र तोबाङबाट छ नमुना कृषकहरुले मौरीको घार पाएका हुन् । ईम्प्याक्टका संस्थापक अध्यक्ष गिरीले मौरीपालक किसानहरुलाई निरन्तर सहयोग गर्ने र यही हप्ता ७ दिनको मौरी पालनको तालिम पनि दिने योजना रहेको बताए ।

कार्यक्रमका सञ्चालक राममाया श्रेष्ठले परियोजनाको उद्देश्यबारे पारेकी थिइन ।

प्रमुख अतिथि वडा अध्यक्ष प्रजाले सहभागीहरुलाई मौरी पालनको महत्त्व र यसको वित्तीय फाइदाहरूको बारेमा सबलीकरण गरेका थिए ।