झापामा ट्र्याक्टर दुर्घटना, एकको मृत्यु र चार घाइते, चालक फरार

काठमाडाैँ । काठमाडौंदेखि झापा जिल्लाको गौरादह नगरपालिका–५ चान्दुखोलाको भित्री सडक खण्डमा गएराति ट्र्याक्टर दुर्घटना भएको छ। दुर्घटनामा परी एकजनाको मृत्यू भएको छ भने चार जना घाइते भएका छन्।

प्रारम्भिक अनुसन्धान अनुसार, मे १ त ७१०८ नम्बरको ट्र्याक्टर बालुबथानबाट फकिटिप गाउँतर्फ जाँदै थियो। ट्र्याक्टर दुर्घटना हुँदा गौरादह नगरपालिका–७ का ३५ वर्षीय महमत माजिमको घटनास्थलमै मृत्यु भएको हो।

जिल्ला प्रहरी कार्यालय झापाका अनुसार, घाइते भएका अन्य चार व्यक्तिहरूलाई उपचारका लागि दमक अस्पताल ल्याइएको छ। घाइतेमा गौरादह–७ का ४९ वर्षीय सत्य नारायण राजवंशी, २३ वर्षीय संजित ऋषीदेव, २३ वर्षीय अभिजुल मिया र गौरादह–७ का ३४ वर्षीय केलु मिया रहेका छन्। सबैको उपचार अस्पतालमा भइरहेको छ।

अहिले घटनाको अनुसन्धान जारी रहेको प्रहरीले जनाएको छ। ट्र्याक्टर चालक, गौरादह नगरपालिका–७ का ३८ वर्षीय यमप्रसाद राजवंशी, घटनाबाट फरार रहेका छन्। प्रहरीले उनलाई पक्राउ गर्न प्रयासरत रहेको जानकारी दिएको छ।

यस दुर्घटनाले सम्पूर्ण गाउँमा शोकलहर छाएको छ। प्रहरी र स्थानिय व्यक्तिहरूको सहयोगमा दुर्घटनाको थप अनुसन्धान भइरहेको छ।