नेपाल फुटबल संघ (एन्फा) फिफाको निर्देशनअनुसार गतिविधि सुरु गर्न तयार

काठमाडौं । अखिल नेपाल फुटबल संघ (एन्फा) ले सरकारले आफ्नो निलम्बन फुकुवाका लागि आवश्यक कदम नचालेको खण्डमा सोमबारदेखि फिफाको निर्देशनअनुसार आफ्ना गतिविधि पुनः सुरु गर्ने तयारी गरेको जनाएको छ ।

एन्फाका प्रमुख कार्यकारी अधिकृत (सीईओ) इन्द्रमान तुलाधरले शुक्रबार आयोजित पत्रकार सम्मेलनमा भन्नुभयो, “एकेडेमीमा रहेका खेलाडीहरूको भविष्य जोखिममा परेको छ। सरकारले तुरुन्तै पहल गर्न आवश्यक छ। यदि भोलिसम्म सकारात्मक जवाफ आएन भने, हामी फिफाको निर्देशनअनुसार सोमबारदेखि आफ्नो गतिविधि सुरु गर्नेछौं।”

उनले एन्फाका एकेडेमीमा रहेका बालखेलाडीहरूको शिक्षाका समस्या र खानपानको अवस्था जटिल बन्दै गएको बताए। “एकेडेमीमा रहेका बच्चाहरूको पढाइ र खानाको समस्या बढ्दै गएको छ। खानाको अभावमा उनीहरूलाई राख्न सकिँदैन,” उनले भने।

तुलाधरले भने, “सरकारले निलम्बन फुकुवाका लागि कुनै पनि पहल गरेन भने, हामी फिफाका नियमअनुसार दैनिक फुटबल गतिविधि अघि बढाउनेछौं। सरकारले पहल गरे हामी पनि साथ दिनेछौं।”

उनले थपे, “तथापि, यस विषयमा तेस्रो पक्षको हस्तक्षेप भएकोले नेपाल फुटबल अन्तर्राष्ट्रिय स्तरबाट बाहिरिएको छ। यदि समस्या समाधान नभए, भने हाम्रो गतिविधि अझै पनि प्रभावित हुनेछ।”

गत असार महिनामा फिफाले नेपाल फुटबल संघलाई निलम्बन गरेपछि नेपाली फुटबल अन्तर्राष्ट्रिय स्तरबाट टाढा भएको छ। अब सरकारको सकारात्मक कदम र पहलले मात्र नेपाली फुटबललाई फेरि उठ्न सक्ने आशा गरिएको छ।