बंगलादेशमा नयाँ प्रधानमन्त्री तारिक रहमान, १६ महिनापछि निर्वाचित सरकारको सत्ता हस्तान्तरण

काठमाडौं – बंगलादेशले आज १६ महिना लामो अन्तरिम सरकारपछि नयाँ निर्वाचित सरकारलाई सत्ता हस्तान्तरण गर्दैछ। बीएनपी (बंगलादेश नेशनलिस्ट पार्टी) का अध्यक्ष तारिक रहमान नयाँ प्रधानमन्त्रीको रूपमा नियुक्त हुँदैछन्। बीबीसीका अनुसार, प्रधानमन्त्री रहमान र मन्त्रिपरिषद्का सदस्यहरूको शपथ ग्रहण अपराह्न ४ बजे हुने तय भएको छ।

यो नियुक्ति नोबेल पुरस्कार विजेता मोहम्मद युनुस नेतृत्वको अन्तरिम सरकारले १६ महिनापछि निर्वाचित सरकारलाई सत्ता सुम्पिन लागेको हो। युनुसले सोमबार राति आफ्नो विदाइ सम्बोधनमार्फत आफ्नो पद त्यागको घोषणा गरेका थिए।

गत १२ फेब्रुअरीमा सम्पन्न आम निर्वाचनमा बीएनपी गठबन्धनले २१२ सिट जित्दै दुई तिहाइ बहुमत हासिल गरेको थियो। यसैगरी, जमात–ए–इस्लामी गठबन्धनले ७७ सिट प्राप्त गरेको छ। नयाँ सरकार गठनसँगै संसद् सदस्यहरूको शपथ ग्रहण समारोह समेत आयोजना गरिएको छ। मुख्य निर्वाचन आयोगले आज बिहान १० बजे संसद् भवनको ‘साउथ प्लाजा’ मा नवनिर्वाचित सांसदहरूलाई शपथ गराउने कार्यक्रम तय गरेको छ।

रहमानले पहिलो पटक संसदीय चुनावमा बंगलादेशको प्रमुख राजनीतिक दल बीएनपीको नेतृत्व गरेका हुन्। यसबाहेक, उनी करिब १७ वर्षसम्म बेलायतको लन्डनमा निर्वासित जीवन बिताएर फर्किएका हुन्। उनले आफैं पनि पहिलो पटक यो चुनावमा भाग लिएका हुन्।

रहमानले करिब १७ वर्षसम्म बेलायतको लन्डनमा राजनीतिक शरण लिएका थिए। पूर्वराष्ट्रपति जियाउर रहमानले बीएनपीको स्थापना गरेका थिए। यसको सञ्चालन पूर्वप्रधानमन्त्री खालिदा जियाले निकै सफलतापूर्वक गरेका थिए।

यस नयाँ सरकारको गठनले बंगलादेशको राजनीतिमा नयाँ अध्याय सुरु भएको देखिन्छ र देशको आगामी राजनीतिक दिशा स्पष्ट हुने अपेक्षा गरिएको छ।