पोखरा विश्वविद्यालयले पहिलोपटक इन्जिनियरिङमा पीएचडी कार्यक्रम संचालन

पोखरा — पोखरा विश्वविद्यालयले इन्जिनियरिङ विषयमा पहिलो पटक पीएचडी तहको अध्ययन कार्यक्रम सञ्चालन गर्ने घोषणा गरेको छ। यस कार्यक्रम अन्तर्गत विश्वविद्यालयको विज्ञान तथा प्रविधि संकायले सिभिल इन्जिनियरिङ र इलेक्ट्रिकल तथा इलेक्ट्रोनिक्स इन्जिनियरिङमा पीएचडीको लागि आवेदन आह्वान गरेको हो।

विश्वविद्यालयले अनुसन्धानमा रुचि राख्ने र बलियो शैक्षिक पृष्ठभूमि भएका योग्य उम्मेदवारहरूबाट आवेदन माग गरेको छ। इच्छुक आवेदकहरूले ९ भदौ २०७९ सम्म आवेदन दिन सक्ने छन्।

पीएचडी प्रवेश परीक्षा भदौ १२ गते बिहान ११ बजेदेखि दिउँसो १ बजेसम्म पोखरा विश्वविद्यालयको स्कुल अफ इन्जिनियरिङ, ढुंगेपाटन, कास्कीमा सञ्चालन हुनेछ। परीक्षापछि व्यक्तिगत अन्तर्वार्ताको मिति पनि प्रवेश परीक्षाको दिनै घोषणा गरिने विश्वविद्यालयले जनाएको छ।

आवेदन शुल्क तोकिएको छ ३ हजार रुपैयाँ। इच्छुक उम्मेदवारहरूले पोखरा विश्वविद्यालयको विज्ञान तथा प्रविधि संकायमार्फत आवेदन दिन सक्नेछन्। यस कार्यक्रमले इन्जिनियरिङ क्षेत्रमा अनुसन्धान र शिक्षामा नयाँ अवसरहरू सिर्जना गर्ने अपेक्षा गरिएको छ।