धनगढी मुख्यमन्त्री कमलबहादुर शाहले संविधान अनुसार मन्त्रिमण्डल हेरफेर गरेको घोषणा

धनगढी — सुदूरपश्चिम प्रदेशका मुख्यमन्त्री कमलबहादुर शाहले संविधानले दिएको अधिकार प्रयोग गरी मन्त्रिमण्डल हेरफेर गरेको बताएका छन्। उनले संसदमा बजेट प्रस्तुत भएपछि आएको राजनीतिक अस्थिरता र संवादको अवस्थालाई मध्यनजर गर्दै यस्तो निर्णय लिएको बताएका हुन्।

मुख्यमन्त्री शाहले आयोजित पत्रकार सम्मेलनमा भने, “मैले संविधान अनुसारको अधिकार प्रयोग गरेर वर्तमान मन्त्रिमण्डलको हेरफेर तथा कार्य विभाजन गरेको छु। यसलाई यहाँहरुले बुझ्न आवश्यक छ।” उनले थपे, “जिम्मेवारी हेरफेर गर्न र कार्य विभाजन तोक्न मैले निर्णय लिएको हो, कुनै अन्य कारणले होइन।”

उहाँले यस निर्णयले सरकारको स्थिरता कायम राख्न र प्रदेशको विकासलाई निरन्तरता दिन मद्दत गर्ने विश्वास व्यक्त गरे। बजेटमा केही प्राविधिक त्रुटी भए सच्याउने काम पनि भइरहेको उनले बताए। “हामीले बजेटलाई थप प्रभावकारी र पारदर्शी बनाउने प्रयास गरिरहेका छौं।” उनले भने।

शाहले भने, “अहिले पनि एमालेसँगको संवाद जारी छ। हाम्रो लक्ष्य भनेको सबै पार्टीसँग मिलेर सरकारलाई स्थिरता र विकासका निम्ति अघि बढाउनु हो।” उनले थपे, “३२ गते भोलिसम्म हामीसँग समय छ, त्यसपछि पनि संवैधानिक र कानुनी प्रावधान भित्र रहेर सरकारको सञ्चालन हुनेछ।”

उनले एमालेसँगको सम्बन्ध र नेपाली कम्युनिस्ट पार्टीसँगको सहकार्यको विषयमा भने, “अहिले सबैसँग संवाद आवश्यक छ। हामीले सबै दलहरूसँग मिलेर बजेट पास गर्ने र सरकारलाई स्थिर राख्ने लक्ष्य राखेका छौं।” यस निर्णयले प्रदेश सरकारको स्थिरता र विकासको मार्गमा नयाँ अध्यायको शुरुआत भएको विश्लेषकहरूले बताएका छन्।