नवलपरासीमा भीषण दुर्घटना: ईभी भ्यान र ट्रक टक्कर, १० जना घाइते

काठमाडौं – पूर्व-पश्चिम राजमार्गअन्तर्गत नवलपरासी (पश्चिम) मा भएको भीषण सडक दुर्घटनामा १० जना घाइते भएका छन्। मंगलबार बिहान बर्दघाट नगरपालिका–४ तारेभिरमा भएको सो दुर्घटनामा काठमाडौंबाट बुटवलको दिशामा जाँदै गरेको ईभी भ्यान र विपरीत दिशाबाट आउँदै गरेको ट्रक एकआपसमा ठोक्किएका हुन्।

प्रहरीका अनुसार, दुर्घटनामा घाइते हुनेहरूमा काठमाडौं महानगरपालिका–१० कपनका ३३ वर्षीय बद्री मगर, काठमाडौं स्वयम्भुका २५ वर्षीय नेत्रलाल नेवा, भारतीय नागरिक ६५ वर्षीय जगदीश बिएल, चितवन कालिका नगरपालिका–३ पदमपुरकी ६५ वर्षीया यनु मगर, रुपन्देही बुटवल उपमहानगरपालिका–४ अमरपथका ४० वर्षीय रूप गुरुङ, माइक्रो सहचालक ३५ वर्षीय गोविन्द थापा र माइक्रोबस चालक रुपन्देही बुटवल उपमहानगरपालिका– १२ ढवाहका ४४ वर्षीय कृष्ण थापा रहेका छन्।

अर्का घाइतेहरूमा गुल्मी इस्मा गाउँपालिका–६ का २१ वर्षीय किरण मुखिया, भारतीय नागरिक ६१ वर्षीय नन्जुण्डे गोडा र रुपन्देही बुटवल उपमहानगरपालिका–१७ का २८ वर्षीय प्रकाश भट्टराई छन्।

घाइतेमध्ये चार जनालाई थप उपचारका लागि देवदह मेडिकल कलेज, भलुही रिफर गरिएको छ भने अन्यको अवस्था सामान्य रहेको छ।

प्रहरीका अनुसार, दुर्घटनामा परी सवारीसाधनहरू घटनास्थलमै रोकिएका छन् र राजमार्गमा सवारीसाधन सञ्चालन सहज रहेको जनाएको छ। ट्रक चालक मकवानपुरको थाहा नगरपालिका–११ का ३५ वर्षीय बुद्धिबहादुर ठोकरलाई प्रहरीले नियन्त्रणमा लिएको छ।

यस दुर्घटनाको विस्तृत अनुसन्धान भइरहेको र थप विवरणहरू पछि सार्वजनिक गरिने प्रहरीको भनाइ छ।