सशस्त्र प्रहरीका दुई महिला आरोहीले गरे सगरमाथा र लोत्से हिमाल सफलतापूर्वक आरोहण

काठमाडौँ – सशस्त्र प्रहरी बल नेपालका दुई महिला आरोहीले विश्वको सर्वोच्च शिखर सगरमाथा र लोत्से हिमाल सफलतापूर्वक आरोहण गरेका छन्। यस ऐतिहासिक सफलतालाई मनोनित गर्दै उनीहरूलाई संगठनले उचित पदोन्नति र सम्मान प्रदान गरेको छ।

सशस्त्र प्रहरी सहायक निरीक्षक निमदिकी शेर्पा र सहायक हवलदार अनिता कार्कीलाई तत्कालै पदोन्नति प्रक्रिया अघि बढाउने निर्णय भएको हो। सहायक निरीक्षक शेर्पालाई तुरुन्तै बढुवा गरिँदैछ भने सहायक हवलदार कार्कीलाई उनको पदौन्नतिपछि हवलदारमा पदोन्नति गरिने भएको छ।

सशस्त्र प्रहरी बल नेपालका महानिरीक्षक नारायण दत्त पौडेलले स्वयम्भूस्थित प्रधान कार्यालय हलचोकमा भएको सम्मान कार्यक्रममा यसबारे जानकारी दिए। उनले आरोहीहरूलाई हार्दिक बधाई दिंदै भने, “सगरमाथा र लोत्से हिमालको सफल आरोहणले राष्ट्र र सङ्गठनको झन्डा विश्वभर फहराउन पाएकोमा हामी गर्व गर्दछौं। यसले हाम्रा महिला सदस्यहरूको नेतृत्व र क्षमतामा नयाँ उचाइ थपेको छ।”

उनले थप भने, “उच्च मनोबल र हौसलाका साथ गरिएका यी आरोहणले राष्ट्रसेवकहरूमा प्रेरणा र उत्साह थपेको छ। यी महिलाहरूले गरेको सफलताले सशस्त्र प्रहरी बलका सम्पूर्ण सदस्यहरूलाई गर्व र प्रेरणा प्रदान गरेको छ।”

शेर्पा र कार्कीले आफ्नो आरोहण सफलताको अनुभव साझा गर्दै भने, “हामीले राष्ट्र र सङ्गठनको झन्डा सर्वोच्च शिखरमा फहराउन पाएकोमा गर्व महसुस गरेका छौं। यस सफलताका लागि सम्पूर्णलाई हार्दिक धन्यवाद ज्ञापन गर्दछौं।”

सशस्त्र प्रहरी सहायक हवलदार अनिता कार्कीले जेठ ३ गते बिहान १०:२० बजेर २० मिनेटमा सगरमाथाको सफल आरोहण गरेकी थिइन् भने, सहायक निरीक्षक निम डिक्की शेर्पाले सोही दिन बिहान ११:५५ मा र जेठ ४ गते दिउँसो ३:२५ मा लोत्से हिमालको आरोहण पूरा गरेकी थिइन्।

यो ऐतिहासिक उपलब्धिले सशस्त्र प्रहरी बलभित्र महिलाको सहभागिता, क्षमता र नेतृत्वलाई थप प्रोत्साहन मिलेको छ। यसले नेपालको राष्ट्रसेवामा महिलाको भूमिका थप बलियो बनाउने दिशामा एक महत्वपूर्ण कदम भएको विश्वास गरिन्छ।