कीर्तिपुरबाट करोडौंको आर्थिक कारोबारमा संलग्न आरोपित पक्राउ

काठमाडौैँ  । काठमाडौँ उपत्यका अपराध अनुसन्धान कार्यालयले ठूलो आर्थिक घोटालामा संलग्न एक व्यक्तिलाई पक्राउ गरेको छ। कम्पनीको कागजातको दुरुपयोग गरी ‘ई सेवा’मार्फत करोडौं रकमको अनधिकृत कारोबार गर्ने आरोपमा कीर्तिपुर नगरपालिका–७ का १९ वर्षीय क्रमिक उप्रेतीलाई पक्राउ गरिएको हो।

प्रवक्ता र प्रहरी उपरीक्षक काजीकुमार आचार्यले बताएअनुसार, पक्राउ परेका उप्रेतीले वाइड–स्पेस इन्टरनेशनल प्राइभेट लिमिटेडका नाममा आन्तरिक राजस्व विभागबाट जारी भएको स्थायी लेखा नम्बर (प्यान) लगायतका कागजातहरू दुरुपयोग गरी गैरकानुनी रूपमा ‘मर्चेन्ट वालेट’ र ‘वालेट’ खोल्नुका साथै आर्थिक कारोबार गरेको पाइएको छ।

प्रारम्भिक अनुसन्धानले देखाएको छ कि, उक्त व्यक्तिले ई सेवा मर्चेन्ट आइडी २२२२०२००१८२१७५२७ बाट ५६ लाख ३३ हजार ६०३ दशमलव ७६ र ई सेवा वालेटबाट ५६ लाख ३१ हजार ६०३ दशमलव ७६ बराबरको कारोबार गरेको खुल्न आएको हो।

अधिकृतहरूले बताएअनुसार, यस व्यक्तिले सट्टेबाजी र अन्य अनधिकार गतिविधिका लागि एक करोड १२ लाखभन्दा बढीको अवैध कारोबार समेत गरेको उल्लेख गरेका छन्।

पक्राउ परेका उप्रेतीसँगबाट प्रहरीले ल्यापटप, विभिन्न मोडेलका मोबाइल फोन, एनसेल र नमस्ते सिमकार्ड, स्मार्ट सिमकार्ड, पेन ड्राइभ र मेमोरी कार्ड जस्ता प्रमाणित सामग्रीहरू पनि बरामद गरेका छन्। प्रहरीले यस मामिलामा अनुसन्धान जारी राख्दै उनीविरुद्ध बैंकिङ कसुर र सट्टेबाजी जस्ता अपराधका सम्बन्धमा आवश्यक कारबाही प्रक्रिया अघि बढाएको जनाएको छ।

प्रवक्ता आचार्यले भने, “उप्रेरतीलाई आवश्यक अनुसन्धान र कारबाहीको लागि जिल्ला प्रहरी परिसर भद्रकालीमा पठाइएको छ।”

यस घटनाले काठमाडौंको अनधिकृत आर्थिक कारोबार र साइबर अपराधको अवस्था उजागर गरेको छ, साथै यसले सरकारी कागजातको दुरुपयोग र अनाधिकृत कारोबार विरुद्धको अभियानलाई अझ कडाइका साथ अगाडि बढाउने संकेत गरेको छ।