मुख्यमन्त्री जितेन्द्र सोनल र बेलायती दूतावासको टोलीबीच भेटघाट
- जनकपुरधाम — मधेस प्रदेशका मुख्यमन्त्री जितेन्द्र सोनल र नेपालका लागि बेलायती राजदूतावासका विकास कार्यक्रम प्रमुख पौलिन सिनन नेतृत्वको टोलीबीच बिहीबार जनकपुरस्थित मुख्यमन्त्री कार्यालयमा भेटघाट भएको छ।
- भेटको क्रममा मुख्यमन्त्री सोनलले प्रदेश सरकारको प्रमुख प्राथमिकता शिक्षा, स्वास्थ्य र कृषि क्षेत्र रहेको बताउँदै ती क्षेत्रहरूको समृद्धिका लागि विकास साझेदारहरूको सहयोग आवश्यक रहेको बताए।
जनकपुरधाम — मधेस प्रदेशका मुख्यमन्त्री जितेन्द्र सोनल र नेपालका लागि बेलायती राजदूतावासका विकास कार्यक्रम प्रमुख पौलिन सिनन नेतृत्वको टोलीबीच बिहीबार जनकपुरस्थित मुख्यमन्त्री कार्यालयमा भेटघाट भएको छ।
भेटको क्रममा मुख्यमन्त्री सोनलले प्रदेश सरकारको प्रमुख प्राथमिकता शिक्षा, स्वास्थ्य र कृषि क्षेत्र रहेको बताउँदै ती क्षेत्रहरूको समृद्धिका लागि विकास साझेदारहरूको सहयोग आवश्यक रहेको बताए। उनले प्रदेशको समग्र विकासका लागि बेलायती दूतावासजस्ता अन्तर्राष्ट्रिय साझेदारहरूसँग सहकार्य गर्न प्रदेश सरकार तयार रहेको आफ्नो धारणा व्यक्त गरे। यस अवसरमा उनले प्रदेशको विकासका लागि आवश्यक सहयोग र साझेदारीको अपेक्षा व्यक्त गरे।
त्यसैगरी, बेलायती टोलीकी प्रमुख पौलिन सिननले प्रदेश सरकारका विकास प्रयासहरूमा सहयोग र समर्थनका लागि दूतावास प्रतिबद्ध रहेको उल्लेख गरे। उनले आगामी दिनहरूमा सम्भावित सहकार्यका क्षेत्रहरूबारे छलफल गर्दै जाने धारणा व्यक्त गरे।
यस भेटघाटले प्रदेशको विकासका लागि अन्तर्राष्ट्रिय साझेदारीको महत्त्वलाई पुनः उजागर गरेको छ भने दुवै पक्षबीच सहकार्यलाई थप प्रगाढ बनाउने आशा व्यक्त भएको छ।
प्रतिक्रिया
यो पनि पढौँ
यो पनि पढौँ
