गङ्गापूर्ण हिमालमा बेपत्ता दुई जापानी पर्वतारोहीको शव भेटियो
- मनाङ ।
- गङ्गापूर्ण हिमाल आरोहणका क्रममा बेपत्ता भएका दुई जापानी पर्वतारोहीको शव शुक्रबार भेटिएको छ।
मनाङ । गङ्गापूर्ण हिमाल आरोहणका क्रममा बेपत्ता भएका दुई जापानी पर्वतारोहीको शव शुक्रबार भेटिएको छ।
ङिस्याङ गाउँपालिका–६ मा रहेको ७ हजार ४५५ मिटर अग्लो गङ्गापूर्ण हिमालको दक्षिणी भागमा करिब ६ हजार ३०० मिटर उचाइमा हिदेसुके तानेइशी र तेत्सु हाशिमोतोको शव फेला परेको प्रमुख जिल्ला अधिकारी मुक्तिप्रसाद खनालले जानकारी दिए।
काठमाडौँस्थित कस्मो एडभेन्चर कम्पनीमार्फत नेपाली पथप्रदर्शकसहित आरोहणमा गएका उनीहरू गत असोज २९ गतेदेखि सम्पर्कविहीन भएका थिए। करिब ७ हजार ५० मिटर उचाइबाट सम्पर्क टुटेपछि उनीहरूको खोजीका लागि हेलिकप्टर र उद्धार टोली परिचालन गरिएको थियो।
“खोजीका क्रममा उनीहरूले प्रयोग गरेका झोला तथा आरोहण सामग्री फेला परेका थिए। लगातारको खोजीपछि शुक्रबार दुवैको शव भेटिएको हो,” खनालले भने। शव काठमाडौँ पठाउने तयारी भइरहेको छ। आवश्यक परीक्षणपछि नेपालस्थित जापानी राजदूतावासको समन्वयमा शव परिवारलाई बुझाइने खनालले बताए।
प्रतिक्रिया
यो पनि पढौँ
यो पनि पढौँ
