स्पेन–इटाली सीमा विवाद: इटालीपछि स्पेनले पनि लगायो नयाँ सीमा जाँच

बार्सिलोना । स्पेन र इटालीबीचको सीमा विवाद नयाँ उचाइमा पुगेको छ। सेउटामा भएको ठूलो आप्रवासी आगमनपछि उत्पन्न सुरक्षा र आप्रवासन सम्बन्धी जोखिमलाई लिएर इटालीले स्पेनबाट आउने यात्रुमाथि सीमा नियन्त्रण लागू गरेको थियो। यस कदमको जवाफस्वरूप, स्पेनले पनि शनिबारदेखि आफ्नो सीमा जाँच प्रणाली लागू गरेको छ।

स्पेन सरकारले अगस्ट ८ मध्यरातदेखि सेप्टेम्बर ७ मध्यरातसम्म इटालीबाट हवाई र समुद्रीमार्गबाट आउने यात्रुमाथि जाँच गर्न निर्णय गरेको हो। यदि परिस्थितिमा परिवर्तन आए, भने यो अवधि पूर्वसन्ध्यामा नै परिवर्तन गर्न सकिने व्यवस्था गरिएको छ। नयाँ नियमअनुसार, विमानस्थल र बन्दरगाहमा यात्रुको पहिचान, राष्ट्रियता, पासपोर्ट वा परिचयपत्र जाँच गरिनेछ। गैर-यूरोपीयन युनियन नागरिकका लागि आवश्यक परे भिसा वा रेसिडेन्स परमिटको पनि जाँच हुनेछ।

स्पेनले यो कदमलाई “अस्थायी र समानुपातिक” कदम भनेको छ। यसको मुख्य उद्देश्य सुरक्षा र आप्रवासनसम्बन्धी जोखिमलाई नियन्त्रण गर्नु हो। इटालीले गत साता सेउटामा भएको ठूलो आप्रवासी आगमनपछि सुरक्षा र आप्रवासनको जोखिमलाई आधार बनाउँदै सीमा नियन्त्रणको कदम उठाएको थियो। यसले आप्रवासीहरूलाई रोक्ने र जोखिम कम गर्ने उद्देश्य राखेको हो।

स्पेनका विदेशमन्त्री जोसे म्यानुएल अल्बारेसले यस कदमको कडा आलोचना गरेका छन्। उनले यो कदमलाई अन्यायपूर्ण र युरोपेली एकताको भावना विपरीत भएको बताएका छन्। त्यसैगरी, इटालीले आफ्नो निर्णय फिर्ता नलिने संकेत दिएको छ र कम्तीमा अगस्ट १५ सम्म सीमा नियन्त्रण कायम राख्ने योजना बनाएको छ। इटालीले सुरक्षा, आतंकवाद र नयाँ आप्रवासी लहरको जोखिम नरहेको सुनिश्चित गरेपछि मात्र यस निर्णयको पुनर्विचार हुने बताएको छ।

आन्तरिक सीमा नियन्त्रण हटाउने सामान्य अवस्थामा, स्पेन र इटालीको यो विवादले सेन्जेन क्षेत्रभित्रको स्वतन्त्र आवागमन र आप्रवासन नीतिमा पनि प्रभाव पार्ने देखिन्छ। यसले युरोपेली संघभित्रको राजनीतिक तनावलाई पनि उजागर गरेको छ।

नेपाली यात्रुहरूका लागि यो नयाँ व्यवस्था महत्वपूर्ण छ। स्पेनमा बस्ने नेपालीहरू इटाली हुँदै यात्रा गर्नुपर्ने भए, पासपोर्ट, रेसिडेन्स कार्ड लगायतका आवश्यक कागजातहरू साथमा राख्नुपर्छ। सीमा जाँचका कारण विमानस्थल र बन्दरगाहमा केही बढी समय लाग्न सक्ने भएकाले यात्रुहरूले पर्याप्त तयारी गर्नु उपयुक्त हुन्छ। ध्यान दिनुहोस, यो नयाँ व्यवस्था भिसा नियम होइन, केवल अस्थायी सीमा जाँच हो।

यदि यो विवाद समाधान नभए, यसले सेन्जेन क्षेत्रमा यात्रुहरूका लागि यात्रा सहजता र यूरोपेली संघको साझा आप्रवासन नीति माथि थप बहस ल्याउने सम्भावना रहेको छ।