त्रिभुवन विश्वविद्यालयले विद्यार्थी संगठनका संरचनाहरु हटाउन निर्देशन

काठमाडौं – त्रिभुवन विश्वविद्यालयले आफ्ना आंगिक क्याम्पसहरूमा रहेका विद्यार्थी संगठनका संरचनाहरु हटाउने निर्णय गरेको छ। विश्वविद्यालयको विद्यार्थी कल्याण तथा खेलकुद निर्देशनालयले यस सम्बन्धमा एक आधिकारिक सूचना जारी गरी सरकारको निर्णयअनुसार कृयाशील भएको जानकारी दिएको हो।

शिक्षा क्षेत्रमा दलीय हस्तक्षेप र विद्यार्थीको स्वतन्त्र आवाजलाई सुनिश्चित गर्न सरकारले लिएको कदमको रूपमा यो निर्णय आएको हो। विश्वविद्यालय अनुदान आयोगको पत्र र शिक्षा तथा खेलकुद मन्त्रालयको निर्देशनानुसार, त्रिविले ६० दिनभित्र दलीय विद्यार्थी संगठनका संरचनाहरु हटाउने र ९० दिनभित्र स्टुडेन्ट काउन्सिल वा भ्वाइस अफ स्टुडेन्ट जस्ता स्वतन्त्र विद्यार्थी प्रतिनिधिमण्डलको विकास गर्ने योजना बनाएको छ।

यस कदमले विद्यार्थीको वास्तविक आवाजलाई प्रवर्द्धन गर्न र शैक्षिक गुणस्तर सुधार गर्न मद्दत गर्ने विश्वास व्यक्त गरिएको छ। त्रिभुवन विश्वविद्यालयले यस निर्देशनलाई तत्काल कार्यान्वयन गर्न सम्पूर्ण आंगिक क्याम्पसहरूलाई आग्रह गरेको छ।

यस निर्णयले नेपाली शैक्षिक प्रणालीमा दलीय हस्तक्षेप घटाउने र विद्यार्थीको स्वतन्त्रता सुनिश्चित गर्ने दिशामा महत्वपूर्ण कदम ठहरिएको छ।