निर्वाचन आयोगले जारी गर्यो ‘अस्थायी मतदाता नामावली सम्बन्धी कार्यविधि २०८२’

काठमाण्डौँ — निर्वाचन आयोगले प्रतिनिधिसभा सदस्य निर्वाचनअन्तर्गत समानुपातिक निर्वाचन प्रणालीअनुसार हुने निर्वाचनका लागि आवश्यक पर्ने अस्थायी मतदाता नामावाली सङ्कलन र स्थायी मतदान प्रक्रियालाई व्यवस्थित गर्न ‘अस्थायी मतदाता नामावली सम्बन्धी कार्यविधि २०८२’ जारी गरेको छ।

आयोगले मतदाता नामावलीसम्बन्धी ऐन, २०७३ को दफा ४४ प्रयोग गरी यो कार्यविधि बनाएको हो। यस अनुसार, आयोगले स्थायी मतदाता नामावली सङ्कलन गर्ने कार्यक्रमसहितको सूचना पनि प्रकाशन गर्नेछ। यस सूचनालाई राष्ट्रियस्तरका सञ्चारमाध्यमबाट प्रसारण गर्न सकिने व्यवस्था समेत कार्यविधिमा समावेश गरिएको छ।

निर्वाचन प्रक्रियामा आवश्यक पर्ने यस कार्यविधिअनुसार, नेपाल सरकार, प्रदेश सरकार, स्थानीय तह, र सरकारको स्वामित्व वा नियन्त्रणमा रहेका विभिन्न संस्थाका कर्मचारी, सेना, प्रहरी, कारागारमा रहेका कैदी र थुनुवा, निर्वाचन कार्यमा खटिएका कर्मचारी र सुरक्षाकर्मी, साथै संवैधानिक निकायका प्रमुख तथा पदाधिकारीको नाम स्थायी मतदाता नामावलीमा समावेश हुनेछन्।

कार्यविधिअनुसार यदि कसैको नाम छुटेको वा नाम वा विवरणमा त्रुटि भएमा, सम्बन्धित व्यक्तिले प्रमाणसहित प्रमुख नाम दर्ता अधिकारीसमक्ष निवेदन दिनुपर्नेछ। यसले मतदाता सूचीलाई अझ विश्वसनीय र त्रुटि मुक्त बनाउन मद्दत पुर्‍याउने विश्वास आयोगले व्यक्त गरेको छ।

निर्वाचन आयोगको यस कदमले निर्वाचन प्रक्रिया पारदर्शिता र विश्वसनीयता बढाउने तथा निर्वाचन प्रक्रियामा सहभागी सबैको अधिकार सुनिश्चित गर्ने उद्देश्य राखेको छ।