बालेन्द्र साह उर्लाबारी आए, तर सीमित समयमा भेटघाट र स्थानीयको असन्तुष्टि

उर्लाबारी – काठमाडौं महानगरपालिकाका प्रमुख र स्वतन्त्र राजनीतिक व्यक्तित्व बालेन्द्र साह (बालेन) ससुराली क्षेत्र उर्लाबारी आएको खबर सार्वजनिक भएको छ। छोटो समयमै फर्किएका साहले आफ्ना समर्थक र स्थानीय अगुवासँग भेटघाट गरे पनि अपेक्षित समय नपाएकोले स्थानीयस्तरमा केही असन्तुष्टि देखा परेको छ।

ससुराली आगमनका क्रममा साहले केही स्थानीय अगुवासँग भेटघाट गर्नुभयो। तर, कार्यक्रम सीमित र औपचारिक संवादको अभावका कारण धेरै स्थानीय कार्यकर्ताहरु र समर्थकहरु निराश भएका छन्। उनीहरुले आशा गरेका थिए कि, साहसँग भेटघाट र छलफलको अवसर पाउनेछन्, तर व्यस्त तालिका र समयको अभावले त्यो सम्भव भएन।

एक स्थानीय कार्यकर्ताले भने, “ससुराली भएको ठाउँमा खुल्ला रुपमा कुरा राख्ने अवसर पाउने आशामा थियौं, तर समय नै मिलेन।” यद्यपि छोटो भेटघाटका क्रममा साहले सुशासन, पारदर्शिता, र नागरिक सहभागिताको आवश्यकताको चर्चा गर्नुभएको थियो। उहाँले भन्नुभयो, “स्थानीय तह बलियो बने मात्रै परिवर्तन सम्भव हुन्छ। विकासका नाममा हुने अनावश्यक खर्च र बेथितिको विरुद्ध नागरिक स्वयं सचेत हुनुपर्छ।”

सामाजिक सञ्जालमा पनि साहको उर्लाबारी भ्रमण र छोटो बसाइलाई लिएर विभिन्न प्रतिक्रिया देखिएका छन्। कतिपयले व्यस्त कार्यतालिका र समय अभावलाई जिम्मेवार ठान्दै समझदारी व्यक्त गरेका छन् भने, केहीले थप समय दिनुपर्ने आवश्यकता औंल्याएका छन्।

साहको सीमित अवलोकन र भेटघाटपछि उनी उर्लाबारीबाट फर्किएका छन्। यस भ्रमणले स्थानीयस्तरमा केही आशा र चिन्ताका मनोभाव सिर्जना गरेको छ। आगामी दिनमा थप संवाद र अन्तरक्रियाका लागि अपेक्षा गरिएको छ।