नेपाल कांग्रेसको विशेष महाधिवेशनबाट गगन नेतृत्वको केन्द्रीय कार्यसमिति बैठक सुरु

काठमाडौँ । नेपाल कांग्रेसको विशेष महाधिवेशनबाट गगन थापा नेतृत्वमा नयाँ केन्द्रीय कार्यसमिति चयन भएपछि आज पहिलो बैठक सुरु भएको छ। ललितपुरको कुपण्डोलस्थित म्याक्सिम्स ब्यांक्वेट एन्ड इभेन्ट्समा आयोजित यस बैठकमा नवनिर्वाचित केन्द्रीय कार्यसमितिका पदाधिकारी र सदस्यहरू उपस्थित भएका छन्।

गत राति सम्पन्न विशेष महाधिवेशनले गगन थापाको नेतृत्वमा नयाँ केन्द्रीय कार्यसमिति गठन गरेको हो। यसमा उपाध्यक्षमा विश्वप्रकाश शर्मा र पुष्पा भुसाल, महामन्त्रीमा प्रदीप पौडेल र गुरु घिमिरे रहेका छन्।

बैठकको मुख्य एजेण्डा समसामयिक राजनीतिक अवस्था र आगामी प्रतिनिधि सभा निर्वाचनका सम्बन्धमा निर्णय गर्न रहेको छ। बैठकले निर्णय लिँदै आजै निर्वाचन आयोग जाँदैछ भन्ने जानकारी प्राप्त भएको छ। यस कदमले नेपाली कांग्रेसको आगामी रणनीति निर्धारण र राजनीतिक दिशालाई स्पष्टता दिने अपेक्षा गरिएको छ।