सुन र चाँदीको मूल्य आक्रमणको भोलिपल्ट नै रेकर्डस्तरमा बढ्यो

काठमाडौं — इरानमाथि भएको आक्रमणको भोलिपल्टै नेपाली बजारमा सुन र चाँदीको मूल्य उल्लेख्य रूपमा बढेको छ। अन्तर्राष्ट्रिय बजारमा देखिएको अस्थिरता र मध्यपूर्वमा बढ्दो तनावका कारण बहुमूल्य धातुहरूको मूल्यमा भारी उछाल आएको व्यवसायीहरूको भनाइ छ।

नेपाल सुनचाँदी व्यवसायी महासंघका अनुसार आज छापावाल सुनको मूल्य प्रति तोला ३ लाख २० हजार ५ सय रुपैयाँ पुगेको छ। यसअघि, फागुन १५ मा सुनको मूल्य प्रति तोला ३ लाख १४ हजार ९ सय रुपैयाँ थियो। दुई दिनको अवधिमा सुनको मूल्य प्रति तोला ५ हजार ६ सय रुपैयाँले वृद्धि भएको हो। यससँगै, आज सुनको मूल्य प्रति १० ग्राम २ लाख ७४ हजार ७ सय ७५ रुपैयाँ कायम भएको छ।

त्यस्तै, चाँदीको मूल्य पनि बढ्दो क्रममा रहेको छ। आज चाँदी प्रति तोला ५ हजार ९ सय ८५ रुपैयाँमा कारोबार भइरहेको छ। यसअघि, फागुन १५ मा चाँदीको मूल्य प्रति तोला ५ हजार ७ सय ४० रुपैयाँ थियो। दुई दिनको अन्तरालमा चाँदीको मूल्य २ सय ४५ रुपैयाँले बढेको महासंघले जनाएको छ।

अन्तर्राष्ट्रिय बजारमा देखिएको अस्थिरता र मध्यपूर्वमा बढ्दो तनावले बहुमूल्य धातुहरूको मूल्यलाई उकालो लागेको हो। शनिबार इजरायल र अमेरिकाले इरानमाथि आक्रमण गरेपछि क्षेत्रीय तनाव झन बढेको छ। यसले बजारमा महँगो प्रवृत्ति निरन्तर जारी रहने आशंका व्यक्त गरिएको छ।

विशेषज्ञहरूका अनुसार, मध्यपूर्वमा जारी तनाव र विश्व बजारमा आर्थिक अस्थिरता नै सुन र चाँदीको मूल्यमा उच्च उछालको मुख्य कारण बनेको हो। व्यवसायीहरू भने, यस प्रकारको मूल्य वृद्धिले नेपाली बजारलाई आर्थिक रुपमा प्रभावित गर्न सक्ने बताएका छन्। यो वृद्धि नेपाली उपभोक्ताहरूका लागि भने महँगो हुने संकेत हो। बजारमा आएको यस्तो उछाललाई मध्यनजर गर्दै आर्थिक विशेषज्ञहरूले सतर्कता अपनाउन सुझाव दिएका छन्।