प्राकृतिक विपद्सम्बन्धी संसदीय समितिका दुई बैठक आज, भोटेकोशी–कालीगण्डकी करिडोरबारे छलफल
- काठमाडौं ।
- प्राकृतिक विपद्सम्बन्धी राष्ट्रिय सभा र प्रतिनिधि सभाका दुई संसदीय विशेष समितिको बैठक आज बस्दै छन्।
काठमाडौं । प्राकृतिक विपद्सम्बन्धी राष्ट्रिय सभा र प्रतिनिधि सभाका दुई संसदीय विशेष समितिको बैठक आज बस्दै छन्। एउटा बैठक अहिले जारी छ भने अर्को दिउँसो १ बजे सुरु हुने कार्यक्रम छ।
सिंहदरबारमा जारी भोटेकोशी एवं कालीगण्डकी करिडोर विपद्सम्बन्धी अध्ययन तथा अनुगमन संसदीय विशेष समितिको बैठकमा कृषि, वन तथा पर्यावरण मन्त्रालयका प्रतिनिधिसँग छलफल भइरहेको छ। नेपाली कांग्रेसका कृष्ण पौडेलको नेतृत्वमा रहेको यो समिति राष्ट्रिय सभाअन्तर्गतको हो।
यसैगरी, प्रतिनिधि सभाअन्तर्गतको ‘हिमालमा जलवायु परिवर्तन तथा भोटेकोशी–त्रिशूली विपद्सम्बन्धी संसदीय विशेष समिति’को बैठक पनि आज बस्दै छ। राष्ट्रिय स्वतन्त्र पार्टीका सांसद गणेश पराजुली सभापति रहेको समितिको बैठक दिउँसो १ बजे सिंहदरबारमै बस्नेछ। दुवै समितिले प्राकृतिक विपद्, जलवायु परिवर्तन र प्रभावित करिडोर तथा क्षेत्रसँग सम्बन्धित विषयमा अध्ययन र छलफल गर्दै आएका छन्।
प्रतिक्रिया
यो पनि पढौँ
यो पनि पढौँ
