मधेश प्रदेशमा धार्मिक सद्भाव र सुरक्षा चोकसी: धनुषा र वीरगञ्जमा तनावपूर्ण अवस्था

काठमाडौँ । मधेश प्रदेशको धनुषा र पर्सा जिल्लासहित आठ वटा जिल्लामा हाल सुरक्षा सतर्कता बढाइएको छ। जनकपुरधाम र वीरगञ्जमा धर्म र संस्कृतिलाई लक्षित गरी टिकटकमा अभद्र टिप्पणी र भिडियो पोस्ट गरेको विषयलाई लिएर तनाव उत्पन्न भएको हो। उच्च सुरक्षा व्यवस्था कायम गर्न निर्देशन दिइएको स्रोतले जानकारी दिएको छ।

केहिदिन अघि जनकपुरमा हिन्दुस्तानको नाम लिँदै एक भिडियो पोस्ट गरेको भन्दै हैदर अन्सारी र अमानत अन्सारी नामका युवाहरुलाई प्रहरीले पक्राउ गरेको थियो। सो भिडियोमा धार्मिक सहिष्णुतामा खलल पुग्ने खालको टिप्पणीसमेत गरिएको थियो। स्थानीय अगुवाहरुले ती युवाहरुलाई नियन्त्रणमा लिएर प्रहरी जिम्मा लगाएका थिए।

त्यसै क्रममा, इलाका प्रहरी कार्यालय खजुरीमा दुवै पक्षबीच छलफल भइरहेको बेला केही युवाहरु आक्रोशित भए र प्रदर्शन गरे। यस क्रममा मस्जिदमा आक्रमण समेत भएको थियो। प्रहरीका अनुसार, आक्रमणमा संलग्न व्यक्तिहरूलाई पनि पक्राउ गरिएको छ।

धनुषा र वीरगञ्जमा जारी तनावका कारण सुरक्षा अधिकारीहरूले थप सतर्कता अपनाएका छन्। उच्च सुरक्षा स्रोतले ‘संवेदनशील परिस्थिति’ का कारण थप सतर्कता आवश्यक भएको बताएका छन्। मधेश प्रदेशका जनतामा धार्मिक सद्भाव कायम राख्न र शान्ति कायम राख्न सरकार र सुरक्षा निकायले ध्यान केन्द्रित गरिरहेको छ। यस विषयमा थप अनुसन्धान र आवश्यक कदमहरू चालिनेछ।