ओलेस्कीमा युद्धविराम गर्न र नयाँ शान्ति वार्ता गर्न रुस–युक्रेन सहमत

युक्रेन — रुस र युक्रेन रुसको नियन्त्रणमा रहेको युक्रेनी सहर ओलेस्कीमा युद्धविराम गर्न र अर्को महिना नयाँ शान्ति वार्ता गर्न सहमत भएका छन्। अमेरिकी प्रथम महिला मेलानिया ट्रम्पको मध्यस्थतामा सहमति जुटेको बताइएको छ।

ह्वाइट हाउसका अनुसार युद्धअघि करिब २४ हजार जनसङ्ख्या रहेको ओलेस्कीमा अहिले १ हजार ७०० देखि २ हजार जनासम्म मात्र बाँकी छन्। दुवै पक्षका अनुसार युद्धविराम अक्टोबर २७ देखि लागू हुनेछ। यसले मानवीय सहायता पुर्‍याउन र मानवीय करिडोरमार्फत सर्वसाधारणलाई सुरक्षित स्थानमा सार्न सहज बनाउने अपेक्षा गरिएको छ।

अमेरिकी अधिकारीहरूका अनुसार आगामी त्रिपक्षीय वार्ता केही हप्ताभित्र आबु धाबी वा स्विट्जरल्यान्डमा हुन सक्छ। युक्रेनी राष्ट्रपति भोलोदिमिर जेलेन्स्कीले पनि शान्ति वार्ताकारहरू अर्को महिना छलफलको नयाँ चरणका लागि भेट्ने पुष्टि गरेका छन्।