हुम्लामा गाउँपालिका कार्यालयमा आगलागी, दुई जना पक्राउ

हुम्ला – हुम्ला जिल्लाको ताँजाकोट गाउँपालिका-३ चाखुरेमा रहेको गाउँपालिकाको कार्यालयमा भएको आगलागी घटनाको अनुसन्धानका लागि प्रहरीले दुई व्यक्ति पक्राउ गरेको छ। जिल्ला प्रहरी कार्यालय हुम्लाका सूचना अधिकारी युवराज ढकालको नेतृत्वमा गठित छानबिन समितिले राति करिब १ बजे भएको आगलागीको घटनामा संलग्नता देखिएको आधारमा उनीहरूलाई पक्राउ गरेको जानकारी दिएका छन्।

प्रारम्भिक अनुसन्धान अनुसार, ताँजाकोट गाउँपालिका-४ का करिब ४७ वर्षीय कृष्णचन्द्र जैसी र गाउँपालिकाको स्वास्थ्य शाखामा कार्यरत करिब ४५ वर्षीय धनराज ढकाललाई घटनामा संलग्न भएको आशंकामा पक्राउ गरिएको हो। प्रहरीका अनुसार, घटनापछि अनुसन्धान टोली घटनास्थलमा पुगेर जाँच सुरु गरेको थियो।

पक्राउ परेका दुवै जनालाई हुम्ला जिल्ला अदालतमा उपस्थित गराई थप ७ दिनको म्याद थप गरिएको छ। प्रहरीको अनुसार, घटनाको थप अनुसन्धान जारी छ र आगलागीको वास्तविक कारण तथा उनीहरूको संलग्नता सम्बन्धी थप तथ्याङ्क सङ्कलन भइरहेको छ।

आगलागीका कारण गाउँपालिकाको जिन्सी शाखामा राखिएका काठको र्‍याग चारवटा, सुत्ने खाट एउटा, टेबल एउटा, सोलारको ब्याट्री एक र महत्वपूर्ण कागजातहरू जलेका छन्। यी कागजातहरू आर्थिक वर्ष २०७३/०७४ देखि हालसम्मको भएका थिए।

प्रहरीका अनुसार, आगलागीको कारण र घटनामा संलग्नताको बारेमा थप तथ्याङ्क सङ्कलन र अनुसन्धान जारी रहेको छ। यस घटनाले स्थानीय बासिन्दालाई त्रसित बनाएको छ र प्रहरीले घटना सम्बन्धी थप जानकारी प्राप्त गर्न आवश्यक कदमहरू चालिरहेको छ।