अमेरिकाको हवाई आक्रमणपछि इरानमा तनाव, खजेसतानमा पानी पम्पिङ केन्द्रमा हानी, सुरक्षा गार्डको मृत्यु

तेहरान । अमेरिकाले इरानमाथि जारी गरेको हवाई आक्रमणका क्रममा दक्षिणपश्चिमी इरानको खजेसतान प्रान्तस्थित माहसहर काउन्टीको एक पानी पम्पिङ केन्द्रमा प्रहार हुँदा एक सुरक्षा गार्डको मृत्यु भएको छ भने अन्य चार जना घाइते भएका छन्।

इरानको सरकारी समाचार संस्था इरनाका अनुसार, खजेसतानका उपगभर्नर वलिओल्लाह हायातीले उक्त जानकारी दिएका हुन्। उनले बताएअनुसार, अमेरिकी सेनाले गरेको हवाई आक्रमणको कारण उक्त पानी पम्पिङ केन्द्रमा क्षति पुगेको हो।

यसैबीच, इरानको इस्लामिक रिभोलुसनरी गार्ड कप्र्स (आईआरजीसी) का अनुसार, खोर्रमशहर र होभेइजेह शहरहरूमा समेत विस्फोटका आवाज सुनिएका छन्। यसअघि, उपगभर्नर हायातीले अमेरिकी सेनाले अहवाज शहर नजिकका विभिन्न स्थानहरूमा पनि आक्रमण गरेको बताएका थिए। यो जानकारी इरानको अर्धसरकारी समाचार संस्था मेहरले प्रकाशित गरेको हो।

अमेरिकाले आइतबार साँझ करिब ५ बजे इरानमाथि हवाई आक्रमण सुरु गरेको थियो। एक अमेरिकी अधिकारीका अनुसार, तीन घण्टाभन्दा बढी समयसम्म उक्त आक्रमण जारी रहेको थियो, जुन राति करिब ८:३० बजेसम्म पनि चलिरहेको थियो।

यस घटनाले क्षेत्रीय तनाव थप उकालो लाग्ने सम्भावना देखिएको छ, जुन अन्तर्राष्ट्रिय स्तरमा चिन्ताको विषय बनेको छ।