देशलाई उज्यालो भविष्यतिर लैजाने उज्ज्वल नेपाल पार्टी अध्यक्ष कुलमान घिसिङको प्रतिबद्धता

पाँचथर – उज्ज्वल नेपाल पार्टीका अध्यक्ष कुलमान घिसिङले देशमा दिगो विकास, सुशासन र समृद्धिका लागि स्पष्ट कार्ययोजना अघि सार्नुभएको छ। इलाममा सम्पन्न चुनावी सभालाई सम्बोधन गर्दै उहाँले आफ्नो नेतृत्वमा हासिल भएको ऊर्जा क्षेत्रमा सफलता स्मरण गर्दै अब समग्र राष्ट्रलाई उज्यालो भविष्यतर्फ लैजान प्रतिबद्धता व्यक्त गर्नुभयो।

कुलमान घिसिङले वर्तमान पुस्ता, विशेषगरी जेनेरेसन–जेड (जेनजी) लाई नेतृत्व सम्हाल्न आवश्यक रहेको बताउँदै युवापुस्ताको भावना, सोच र ऊर्जालाई प्रतिनिधित्व गर्दै नयाँ पुस्ताको नेतृत्वको आवश्यकता औंल्याउनुभयो। उहाँले भन्नुभयो, “हामीले काम गरेर देखाएका छौँ, अब देश बदल्ने जिम्मा जनताले दिनुपर्छ।”

उनले युवाशक्ति, पारदर्शिता र भ्रष्टाचारविरुद्धको दृढ अडानलाई आफ्नो पार्टीको मुख्य आधार बनाएको उल्लेख गर्नुभयो। साथै, परिवर्तन चाहने सबैलाई एकजुट भएर समृद्धिको अभियानमा सहयोग गर्न आह्वान गर्नुभयो। उहाँले पाँचथर लगायत कोशी प्रदेशका आफ्ना उम्मेदवारहरूलाई विजयी गराउन मतदातासमक्ष आग्रह गर्नुभयो।

कुलमान घिसिङको यो मन्तव्यले युवाको नेतृत्व र नयाँ सोचलाई प्राथमिकता दिँदै देशको दीगो विकास र समृद्धि सुनिश्चित गर्न जोड दिएको देखिन्छ।