भारतले मध्यपूर्वका देशहरूमा रोकिएका यात्रुहरूलाई स्वदेश फर्काउन पुनः सुरु गर्यो सीमित उडानहरू

एजेन्सी – भारतीय एयरलाइन्सले युद्धका कारण मध्यपूर्वका देशहरूमा रोकिएका हजारौं यात्रुहरूलाई स्वदेश फर्काउनका लागि सीमित व्यावसायिक उडानहरू पुनः सुरु गर्ने निर्णय गरेको छ। लाखौँ दक्षिण एसियाली नागरिकहरू मध्यपूर्वका विभिन्न देशहरूमा रोजगारीको शिलशिलामा बसोवास गरिरहेको अवस्थामा यस कदमले उनीहरूको समस्या केही हदसम्म कम हुने अपेक्षा गरिएको छ।

यसै गरी, इन्डिगोले मध्यपूर्वका देशहरूबीचको हवाई सेवा सञ्चालनलाई क्रमिक रूपमा सामान्य बनाउने योजना बनाएको जनाएको छ। साथै, एयर इन्डिगो एक्सप्रेसले मंगलबारदेखि ओमानको राजधानी मस्कट जाने उडानहरू पुनः सुरु गर्ने जानकारी दिएको छ। तर, बहराइन, कुवेत, कतार, साउदी अरेबिया र संयुक्त अरब इमिरेट्स जाने उडानहरू हालसम्म स्थगित नै रहेको एयरलाइन्सले विज्ञप्ति मार्फत जनाएको छ।

यसबीच, भारतीय प्रधानमन्त्री नरेन्द्र मोदीले बहराइन, साउदी अरेबिया र जोर्डनसहित मध्यपूर्वका धेरै नेताहरूसँग फोनवार्ता गरेका छन्। उनले भारतीय नागरिकहरूको सुरक्षा र संरक्षणका लागि सहयोगी भूमिका खेलिदिएकोमा धन्यवाद व्यक्त गरेका छन्।

यस्तै, युद्धको आक्रमणमा अबुधाबीमा एक नेपाली नागरिकको मृत्यु भएको छ भने, बहराइन र संयुक्त अरब इमिरेट्समा दुई बंगलादेशी नागरिकको समेत ज्यान गएको पुष्टि भएको छ।

प्रधानमन्त्री मोदीले सोमबार आफ्नो इजरायली समकक्षी बेन्जामिन नेतान्याहुसँगसमेत फोनवार्ता गरेका क्रममा हालैको घटनाक्रमको बारेमा चिन्ता व्यक्त गरेका थिए। उनले आफ्ना नागरिकहरूको सुरक्षा प्राथमिकता रहेको जानकारी गराएका छन्।

यस घटनाक्रमले दक्षिण एसियाली र मध्यपूर्वका देशहरूबीचको सम्बन्ध र सहयोगको महत्व पुनः उजागर गरेको छ। भारतीय सरकार र विभिन्न एयरलाइन्सले यस घटनालाई मध्यनजर गरी यात्रुहरूको सुरक्षालाई प्राथमिकता दिँदै उडान सेवाहरू पुनः सञ्चालन गर्ने प्रयासहरू गर्दैछन्।