नेपालमा सुनको मूल्य तीन लाख रुपैयाँ नाघ्यो, अन्तर्राष्ट्रिय बजारको प्रभाव

काठमाडौँ — आइतबार नेपालका बजारहरूमा सुनको मूल्य अभूतपूर्व रुपमा वृद्धी भएको छ। महासंघले सार्वजनिक गरेको दर अनुसार, छापावाल सुनको मूल्य प्रतितोला ३ लाख ५०० रुपैयाँ कायम भएको छ। यससँगै, १० ग्राम सुनको मूल्य २ लाख ५७ हजार ६३० रुपैयाँ पुगेको छ।

महासंघका अनुसार, यसअघि शुक्रबार सुनको मूल्य प्रतितोला २ लाख ९१ हजार रुपैयाँ थियो। यसरी मूल्यमा भएको तीव्र वृद्धिले नेपाली बजारमा नयाँ रेकर्ड कायम गरेको हो। अन्तर्राष्ट्रिय बजारमा सुनको मूल्यवृद्धिको प्रभाव नेपाली बजारमा समेत देखिएको महासंघको भनाइ छ।

यस्तै, चाँदीको मूल्य पनि वृद्धि भएको छ। चाँदी प्रतितोला ५ हजार १० रुपैयाँ तोकिएको छ भने १० ग्राम चाँदीको मूल्य ४ हजार २९५ रुपैयाँ पुगेको छ। यसअघि शुक्रबार चाँदीको मूल्य प्रतितोला ४ हजार ७१० रुपैयाँ थियो।

मूल्यवृद्धिको मुख्य कारण अन्तर्राष्ट्रिय बजारमा सुन र चाँदीको मूल्य व्रद्धि रहेको महासंघले जनाएको छ। सोही कारणले नेपाली बजारमा पनि मूल्यवृद्धि भएको हो। विशेषज्ञहरूका अनुसार, अन्तर्राष्ट्रिय बजारमा सुनको मूल्य व्रद्धिले आगामी दिनहरूमा नेपाली बजारमा पनि प्रभाव पार्ने देखिन्छ। यसले लगानीकर्ताहरू र सुन किन्ने ग्राहकहरूलाई सतर्क रहन आग्रह गरिएको छ।