नेपाल–चीन सीमाना रसुवागढीबाट मालसामानको आयात पुनः सुरु

काठमाडौँ । ६ महिनापछि नेपाल र चीनबीचको प्रमुख व्यापारिक सीमा रसुवागढी पुनः सञ्चालनमा आएको छ। लामो समयदेखि बन्द रहेको यो सीमा शुक्रबारदेखि व्यापारिक गतिविधि पुनः सुरु भएको हो।

रासुभागढी सीमा बाट पहिलो पटक २७ वटा कन्टेनर मालसामान नेपाल भित्रिएका छन्। भन्सार कार्यालय रसुवाका प्रमुख तुलसीप्रसाद भट्टराईले जानकारी दिए, “बिहीबार सञ्चालनमा आएको पहिलो दिन नै २७ वटा कन्टेनर मालवस्तु सहित नेपाल भित्रिएका छन्। ती कन्टेनरहरू भन्सार जाँचपासको प्रक्रियामा छन्।”

त्यसैगरी, आजका दिन २८ वटा कन्टेनर मालसामान चीन तर्फ रवानाका लागि तयार भएको छ। यसरी, व्यापारिक गतिविधि पुनः सुरु भएपछि दुई देशबीचको व्यापारिक सम्बन्धमा थप बल आउने अपेक्षा गरिएको छ।

गत असार २४ गते चीनबाट आएको बाढीले लेन्दे खोलामा मितेरी पुल बगाएको थियो। यसका कारण सीमा बन्द भएको थियो। तर, चीनले करिब ६ महिनाको कठिन परिश्रमपछि मितेरी पुलको स्थानमा बेलिब्रिज जडान गरी आजदेखि सञ्चालनमा ल्याएको छ। यसले सीमा व्यापार र आपूर्ति श्रृंखलालाई सहज बनाउने अपेक्षा गरिएको छ।

यस पुनः सञ्चालनले नेपाल र चीनबीचको व्यापारिक सम्बन्धलाई थप बलियो बनाउने र आर्थिक गतिविधिहरूलाई प्रवाह गर्न मद्दत पुग्ने विश्वास गरिन्छ।