प्रधानमन्त्री सहित शीर्ष नेताहरुबीच निर्वाचनका विषयमा छलफल, निर्वाचन मिति टुंगो लगाउने प्रयास

काठमाडौं – आगामी प्रतिनिधिसभा सदस्य निर्वाचनका विषयमा प्रधानमन्त्री सुशीलाका कार्की र प्रमुख तीन राजनीतिक दलका शीर्ष नेताहरुबीच आज दिउँसो महत्वपूर्ण छलफल हुने भएको छ। प्रधानमन्त्री निवास बालुवाटारमा आयोजना हुने सो संवादमा नेपाली कांग्रेसका सभापति शेरबहादुर देउवा, नेकपा (एमाले) का अध्यक्ष केपी शर्मा ओली र नेपाली कम्युनिष्ट पार्टीका संयोजक पुष्पकमल दाहाल सहभागी हुनेछन्।

सञ्चार तथा सूचना प्रविधिमन्त्री जगदीश खरेलले उक्त छलफल आगामी निर्वाचनका विषयमा केन्द्रित रहने जानकारी दिएका छन्। यस बैठकले राजनीतिक स्थिरता कायम राख्नु र निर्वाचन मिति सुनिश्चित गर्न आवश्यक कदम चाल्ने उद्देश्य राखिएको छ।

जेन-जी आन्दोलनपछि उत्पन्न राजनीतिक परिस्थिति सहज तुल्याउँदै सरकारले निरन्तर दलहरूसँग संवाद र वार्ता जारी राखेको छ। यसै क्रममा, शुक्रबार सरकारले प्रमुख राजनीतिक दलका शीर्ष नेताहरुलाई भेट गर्न उनीहरूका निवासमा पुगेर छलफल गरेको थियो।

भेटका क्रममा नेताहरूले सरकारलाई वर्तमान राजनीतिक निकासका लागि निर्वाचन आवश्यक रहेको र त्यसका लागि वातावरण बनाउन आग्रह गरेका थिए। सरकार र दलहरूबीचको यस वार्ताले आगामी निर्वाचनलाई निर्धारित मितिमा सम्पन्न गर्न आवश्यक तयारी र सहमति जुटाउने प्रयास हो।

यो छलफलले राजनीतिक स्थिरता कायम राख्न र नेपाली जनता विश्वासका साथ निर्वाचन प्रक्रिया सम्पन्न गर्न मद्दत गर्ने अपेक्षा व्यक्त गरिएको छ।