जेनजी आन्दोलनमा भिमफेदी कारागारबाट भागेका कैदीको गैँडाकोटमा हत्या, ५ जना नियन्त्रणमा।
- मकवानपुरको भिमफेदी कारागारबाट भागेका कैदी नारायण कुमालको पूर्वी नवलपरासीको गैँडाकोटमा हत्या गरिएको छ।
- शुक्रवार राति ५ देखि ८ जनासम्म मिलेर २८ वर्षीय कुमाललाई धारिलो हतियार प्रयोग गरी प्रहार गरी हत्या गरिएको हो।
मकवानपुरको भिमफेदी कारागारबाट भागेका कैदी नारायण कुमालको पूर्वी नवलपरासीको गैँडाकोटमा हत्या गरिएको छ। शुक्रवार राति ५ देखि ८ जनासम्म मिलेर २८ वर्षीय कुमाललाई धारिलो हतियार प्रयोग गरी प्रहार गरी हत्या गरिएको हो।
एसपी युवराज खड्काका अनुसार, मृतक चितवनको कालिका नगरपालिका–४ पदमपुरका स्थानीय हुन्। घटनास्थल इँट्टाभट्टा नजिक रहेको गैँडाकोटमा भएको हो। हत्यामा संलग्न रहेको आशंकामा प्रहरीले ५ जनालाई नियन्त्रणमा लिएको र थप अनुसन्धान भइरहेको जानकारी दिएको छ।
कुमाल भदौ २४ मा कारागारबाट भागेका थिए। यसअघि, उनी २०७४ साउन ३ मा पक्राउ परेका थिए र बलात्कारको आरोपमा अदालतले उनलाई १० वर्ष कैद र ३५ हजार जरिवाना तोकेको थियो।
प्रहरीका अनुसार, उनी जेनजी प्रदर्शनको क्रममा फरार भएका थिए। प्रहरीले अहिले घटनाको विस्तृत अनुसन्धान गरी दोषीलाई कानुनी कारबाहीको तयारी गरिरहेको छ।
प्रतिक्रिया
यो पनि पढौँ
यो पनि पढौँ
