अभिजीत दीपकेसहित कक्रोच जनता पार्टीका ३ शीर्ष नेता प्रहरी हिरासतमा रहेको दाबी

काठमाडौं । कक्रोच जनता पार्टी (सीजेपी) ले आफ्ना तीन नेता अभिजीत दीपके, सौरव दास र आशुतोष रांकालाई प्रहरीले हिरासतमा लिएको दाबी गरेको छ।

पार्टीले शनिबार जारी गरेको वक्तव्यमा उनीहरूलाई दिल्लीमा विमानभित्रैबाट नियन्त्रणमा लिइएको उल्लेख छ। सीजेपीका अनुसार तीनै जना मुम्बईबाट दिल्ली आएका थिए। यात्राका क्रममा अभिजीत दीपके सामाजिक सञ्जालमा प्रत्यक्ष प्रसारणमा आएका थिए। त्यसपछि प्रहरीले उनीहरूलाई हिरासतमा लिएको पार्टीको दाबी छ।

दिल्ली प्रहरीको कदमलाई ‘तानाशाहीपूर्ण’ भन्दै सीजेपीले तीनै जनालाई तत्काल रिहा गर्न माग गरेको छ। ‘यो कारबाही मानिसहरूको आवतजावत गर्ने स्वतन्त्रताको खुला उल्लंघन हो,’ पार्टीले वक्तव्यमा भनेको छ।

यसअघि चर्चित युट्युबर ध्रुव राठी र सीजेपीकी कानुनी मामिला प्रमुख रत्ना सिंहलाई पनि प्रहरीले हिरासतमा लिएको खबर सार्वजनिक भएको थियो।