नेपाल-भारत कनेक्टिविटी: सुनौली-गोरखपुर द्रुतमार्ग अन्तिम चरणमा
- काठमाडौं – नेपाल र भारतबीचको यातायात र कनेक्टिविटीलाई थप सशक्त बनाउने उद्देश्यले निर्माणाधीन सुनौली-गोरखपुर द्रुतमार्ग अन्तिम चरणमा पुगेको छ।
- भारतीय राष्ट्रिय राजमार्ग प्राधिकरणका अनुसार, यो महत्त्वपूर्ण परियोजना अहिले चार लेनको द्रुतमार्गको स्तरोन्नतिका काम अन्तिम चरणमा रहेको छ।
काठमाडौं – नेपाल र भारतबीचको यातायात र कनेक्टिविटीलाई थप सशक्त बनाउने उद्देश्यले निर्माणाधीन सुनौली-गोरखपुर द्रुतमार्ग अन्तिम चरणमा पुगेको छ। भारतीय राष्ट्रिय राजमार्ग प्राधिकरणका अनुसार, यो महत्त्वपूर्ण परियोजना अहिले चार लेनको द्रुतमार्गको स्तरोन्नतिका काम अन्तिम चरणमा रहेको छ।
भारतीय सञ्चारमाध्यमहरूले बताएका छन् कि यस आयोजनाले नेपाल र भारतबीचको यात्रा सहज, सुरक्षित र तीव्र हुने विश्वास व्यक्त गरेका छन्। सुनौली-गोरखपुर सडकखण्डको भौतिक प्रगति ७९.५४ किलोमिटर लामो रहेको छ। अहिले दुई लेनको सडकलाई भारत सरकारले एक्सप्रेसवेको रुपमा स्तरोन्नति गरिरहेको छ। यस क्रममा रेल ओभरब्रिज, फ्लाइओभर, र अन्डरपास समेत निर्माणाधीन छन्, जसले सडकको जडानलाई अझ सहज बनाउनेछ।
यस द्रुतमार्गले भारतीय राजधानी नयाँदिल्ली, उत्तर प्रदेश र बिहारबाट नेपालतर्फको यात्रा लामो समय छोट्याउने अपेक्षा गरिएको छ। सुनौली नाका, नेपाल र भारतबीचको व्यस्त क्रस बोर्डर ट्रान्जिट बिन्दु मध्ये एक हो, जहाँ दैनिक हजारौं पर्यटक, तीर्थयात्री, व्यापारी र मालवाहक सवारीसाधन आवतजावत गर्दछन्।
प्राधिकरणका अनुसार, यो परियोजना करिब १४ अर्ब ५८ करोड भारु (लगभग २३ अर्ब ३२ करोड ८० लाख नेपाली रुपैयाँ) को लागतमा निर्माण हुँदैछ। यस अन्तर्राष्ट्रिय सडकले यात्रामा नयाँ गति र क्षमता प्रदान गर्नेछ, साथै यात्रु र मालवाहक सवारीलाई अधिक सुगम र सुरक्षित बनाउनेछ।
योजना अनुसार, अहिलेको चार लेनलाई एक्सप्रेसवे बनाइनेछ र बाँकी दुई लेन सर्भिस लेनका रूपमा विकास गरिनेछ। ट्राफिक चाप बढ्दै गएमा यसलाई ६ लेनमा विस्तार गर्न सकिने गरी डिजाइन गरिएको छ। साथै, यातायात व्यवस्थापनमा सुधार ल्याउन एडभान्स ट्राफिक म्यानेजमेन्ट सिस्टम, सीसीटीभी, इमर्जेन्सी कल बक्स, रियल टाइम ट्राफिक मनिटरिङ जस्ता व्यवस्था जडान हुने छन्।
भारतीय सञ्चारमाध्यमहरूले उल्लेख गरेका छन् कि यो द्रुतमार्गको निर्माण पूरा भएपछि नयाँदिल्ली- सुनौली सडक यात्राको समय १२ घण्टाबाट घटेर लगभग ८ घण्टामा झर्ने अपेक्षा गरिएको छ। साथै, काठमाडौं-भैरहवा रुटमा निर्माणाधीन सडक संरचना सम्पन्न भएमा काठमाडौं-दिल्ली सडक यात्रा समय करीब १६ घण्टा झर्न सक्नेछ। हाल यो दूरीको यात्रा समय २४ देखि ३० घण्टासम्म लाग्ने गरेको छ।
यस परियोजनाले नेपाल र भारतबीचको व्यापार, पर्यटन र धार्मिक यात्रालाई सहज बनाउनेछ साथै दुवै देशको आर्थिक र सामाजिक सम्बन्धलाई थप सुदृढ बनाउने अपेक्षा गरिएको छ।
प्रतिक्रिया
यो पनि पढौँ
यो पनि पढौँ
