काठमाडौंमा आत्मदाह गर्ने गणेश नेपालीको परिवारले जाहेरी दिंदै

काठमाडौं — काठमाडौंमा आत्मदाह गरेको नेपाली युवक गणेश नेपालीको परिवारले प्रहरीमा जाहेरी दिने तयारी गरेको जानकारी सार्वजनिक भएको छ। परिवारले घटनाको छानबिनका लागि प्रहरी वृत्त कालीमाटीमा जाहेरी दिन तयारी गरेको हो। जिल्ला प्रहरी परिसर काठमाडौंका एसपी र प्रवक्ता पवनकुमार भट्टराईले घटनाको अनुसन्धान सुरु भएको बताएका छन्।

उनका अनुसार, ‘हरेक अप्राकृतिक मृत्युमा प्रहरीमा जाहेरी दर्ता हुन्छ। त्यसपछि कानूनी प्रक्रिया अघि बढ्छ। पोस्टमार्टम र शव सद्गद् गर्न प्रहरीमा बुझाउने काम हुन्छ। यदि मुद्दा चलाउन आवश्यक भए सोहीअनुसार कदम चालिन्छ,’ उनले बताए।

गत आइतबार मात्रै नेपालीको परिवार र प्रशासनबीच ९ बुँदे सहमति भएको थियो। महाननर प्रहरीको टोलीले त्रिपुरेश्वरस्थित राहदानी विभाग अगाडि आफ्नो मोटरसाइकलमा ह्वील लक लगाएको विषयमा विवाद भएपछि नेपालीले आफ्नै शरीरमा पेट्रोल छर्केर आगो लगाएका थिए। उपचारको क्रममा उनी भोलिपल्ट शुक्रबार वीर अस्पतालमा मृत्यु भएको थियो।

घटनाको छानबिनका लागि प्रहरीले महाननर प्रहरी र घटनाका प्रत्यक्षदर्शीलाई सोधपुछका लागि बोलाएको थियो। सोधपुछपछि घटना सम्बन्धी विवरण कागजमा लेखेर उनीहरुलाई छाडिएको थियो।

यस घटनाको छानबिन गर्न काठमाडौं उपत्यका प्रहरी कार्यालय रानिपोखरीमा कार्यरत डीआईजी गोविन्द थपलियाको नेतृत्वमा पाँच सदस्यीय समिति गठन भएको छ। समितिले घटनाको पूर्ण छानबिन र जिम्मेवार व्यक्तिहरुको पहिचानका लागि अनुसन्धान जारी राखेको छ।