चितवनमा ६ लाख २३ हजारको पटाकासहित दुई भारतीय नागरिक पक्राउ
- चितवन ।
- चितवन प्रहरीले ६ लाख २३ हजार ४६५ रुपैयाँ बराबरका पटाका र विस्फोटक पदार्थसहित दुई भारतीय नागरिकलाई पक्राउ गरेको छ।
चितवन । चितवन प्रहरीले ६ लाख २३ हजार ४६५ रुपैयाँ बराबरका पटाका र विस्फोटक पदार्थसहित दुई भारतीय नागरिकलाई पक्राउ गरेको छ।
जिल्लाका विभिन्न स्थानबाट भिरझिरे, खुर्सानी, चक्र र रकेटलगायतका ८० हजार ३७२ वटा पटाका बरामद गरिएको जिल्ला प्रहरी कार्यालयका प्रमुख एवं प्रहरी उपरीक्षक रामेश्वर पौडेलले जानकारी दिए। पक्राउ पर्नेमा भारतको मोतिहारी जिल्ला घर भई हाल कालिका नगरपालिका–६, हरिहरटोल बस्ने ४१ वर्षीय सञ्जय साह तेली र सोही जिल्लाका २९ वर्षीय कन्हैया कुमार छन्। कन्हैया भरतपुर महानगरपालिका–३, बाह्रघरेमा बस्दै आएका थिए।
प्रहरीका अनुसार उनीहरूको साथबाट एक लाख ७२ हजार ३०० रुपैयाँ नगदसमेत बरामद भएको छ। पक्राउ परेका दुवै जनामाथि विस्फोटक पदार्थको ओसारपसार तथा सञ्चयलगायत कसुरमा म्याद थप गरी अनुसन्धान र कारबाही अघि बढाइने प्रहरी उपरीक्षक पौडेलले बताए।
पौडेलले पटाकाजस्ता विस्फोटक पदार्थको कारोबारबारे जानकारी पाएमा नजिकको प्रहरी कार्यालयमा खबर गर्न सर्वसाधारणलाई आग्रह गरेका छन्।
प्रतिक्रिया
यो पनि पढौँ
यो पनि पढौँ
