अमेरिका मियामी अन्तर्राष्ट्रिय विमानस्थलमा कार्गो विमान दुर्घटना, ५ को मृत्यु र ५ जना घाइते

अमेरिका । अमेरिकाको मियामी अन्तर्राष्ट्रिय विमानस्थलमा भएको ठूलो दुर्घटनामा कम्तीमा पाँच जनाको मृत्यु भएको छ भने पाँच जना घाइते भएका छन्। दुर्घटना शनिबार दिउँसो करिब २ बजे भएको हो जब अमेजन एयरको बोइङ ७६७–३०० विमान रनवेबाट बाहिरिएर दुर्घटनामा परेको हो। प्रारम्भिक जानकारी अनुसार, विमान करिब २०९ किलोमिटर प्रतिघण्टा गति सहित अवतरणको क्रममा दुर्घटनाग्रस्त भएको हो।

दुर्घटनापछि विमानले विमानस्थलको परिसरमा रहेका केही सवारीसाधनलाई ठक्कर दिएको र आगलागी भएको रिपोर्ट गरिएको छ। घटना स्थलमा करिब २०० जना दमकल र उद्धारकर्मीहरू पुगेका थिए। उनीहरूले आगो नियन्त्रणमा ल्याउने काम र घाइतेहरूको उद्धार गरेका छन्।

प्रारम्भिक विवरण अनुसार, घाइते मध्ये तीनलाई स्थानीय ट्रमा सेन्टरमा ल्याइएको छ भने बाँकी दुईलाई अस्पतालमा उपचार भइरहेको छ। यस दुर्घटनाले विमानस्थल क्षेत्रमा ठूलो तनाव सिर्जना गरेको छ र उद्धार कार्य जारी रहेको छ। दुर्घटनाको कारण अझै स्पष्ट भएन तर अनुसन्धान जारी रहेको अधिकारीहरूले बताएका छन्।